Ad Maciaš da Bahinskaj: top-5 Ninaŭ
18 vieraśnia — dzień zapusku «Našaj Niny». Z hetaj nahody my ŭzhadali najbolš viadomych žančyn ź imiem Nina.
Nina Stužynskaja
Daśledčyca lehiendarnych asob i sama žyvaja lehienda.
Historyk Nina Stužynskaja naśmieliłasia adkryć adnu z samych zabaronienych tem biełaruskaj historyi — temu paŭstanckaha ruchu 1920-ch. Jana viarnuła imiony dziasiatkaŭ śmiełych ludziej — atamanaŭ, paŭstancaŭ, padpolščykaŭ, — jakija nie chacieli mirycca z ustalavańniem savieckaj ułady na svajoj ziamli. Pryčym u jaje knihach heta nie šabłonnyja «baraćbity», a žyvyja ludzi — z zahanami, siemjami, kachańniami, zdradami… I pobač z mužčynami na roŭnych dziejničajuć žančyny.
Ninel Ščasnaja
Ninel Ščasnaja. Aŭtapartret. Sonca jašče nie zajšło. 1998.
Stvaralnica niepaŭtornaha stylu. Karciny mastački Ninel Ščasnaj — niejmaviernyja. Jany abjomnyja, pulsujučyja, jaje styl byŭ praryŭnym, revalucyjnym u 1970—80-ja. I sama Ninel była adnoj z samych jaskravych žančyn svajho času — lohkaj, sapraŭdy bahiemnaj, až časam šakavała zvykłaje da partaparatnaj šeraści asiarodździe.
Dziva što jaje spadarožnikami byli samyja niezvyčajnyja mužčyny svajho času — naprykład, znakamity dramaturh Andrej Makajonak.
Nina Bahinskaja
Simvał baraćby za hramadzianskija pravy.
Hetu krochkuju žančynu viedajuć usie, chto choć kali-niebudź udzielničaŭ u patryjatyčnych akcyjach i šeściach u Minsku. Jaje sprabavali złamić: zatrymlivali, sudzili, štrafavali, kanfiskavali majomaść — ale daremna.
Jašče spadarynia Nina zaŭždy vielmi stylova apranajecca na akcyi.
Nina Maciaš
Tonkaja liryčnaja paetka.
Heta jana aŭtarka ramansa «Ja nie kachaju vas, ja vas lublu».
Mała chto viedaje, što jana pierakładała z francuzskaj movy. I, naprykład, «Maleńkaha prynca» Sent-Ekziupiery my majem u jaje pierakładzie.
Nina Ryčy
Nie, heta nie tannaja siensacyja. Biełaruskich karanioŭ u znakamitaj italjanskaj madeljerki niama (prynamsi, na pieršy pohlad). Ale chiba ž ad hetaha jana i stvorany joj ramantyčny, vykštałcony, poŭny piaščoty i žanockaści styl nam mienš darahi?