Na fiestyvali «Kamianica» nie paśpieŭ vystupić chedłajnier. Čamu tak adbyłosia?
Užo ŭ 22.00, kali na scenie jašče vystupaŭ hurt z Ukrainy, a daŭno pavinien byŭ vyjści apošni — Shuma, stała jasna, što ŭ raskładzie zdarylisia nakładki.
«Shuma nie vystupiła praz spaźnieńnie pa časie. U piatnicu mocnym vietram razarvała dach sceny. Mienavita ŭ hety dzień mieli adbycca ŭsie saŭndčeki, ale jany byli admienienyja. Mienavita tamu artysty naładžvali huk prosta pierad vystupam, i ŭ vyniku nie chapiła času na Shuma.
My skaračali inšych artystaŭ i sprabavali paśpieć, ale samyja mocnyja zatrymki byli mienavita na chedłajnierach. Vybačajemsia. Abaviazkova zrobim tak, kab nastupnaja, jubilejnaja «Kamianica» była lepš», — prakamientavaŭ «NN» pres-ataše fiestyvalu Źmicier Biezkaravajny.
Ci možna było dać Shuma vystupić paśla Onuka?
«Na žal, nie. Z adnaho boku dazvoł na mierapryjemstva skončyŭsia ŭ 22:00. Milicyja dała skončyć set Onuka, ale Shuma na scenu nichto b nie vypuściŭ — technična heta mahło adbycca nie raniej za 22:45. Pa-druhoje, fest adbyvajecca za 5 kiłamietraŭ ad Minska. Apošni biaspłatny aŭtobus sychodziŭ u 23:00, płatny — u 23:15. Navat kali ŭjavić sabie dazvoł milicyi na praciah, my nie mieli prava pakinuć ludziej u poli», — udakładniajuć arhanizatary.
Jany vybačylisia pierad hurtam-chedłajnieram Shuma, jaki staŭ adzinym, chto nie zdoleŭ vyjści na fiestyvalnuju scenu, i paabiacali ŭličyć svaje pamyłki na budučyniu. Na ščaście, muzyki ŭsio roŭna atrymali svaje hanarary.
Čytajcie taksama: Fołk-fest «Kamianica» pad Mienskam sabraŭ tysiačy hledačoŭ