Urahan, što pakinuŭ niekalki achviaraŭ u Rumynii, ruchajecca ŭ bok Ukrainy

U Rumynii vosiem čałaviek zahinuli i kala 70 dastaŭleny ŭ balnicy ŭ vyniku ŭrahannaha vietru, jaki dasiahaŭ miescami 100 kiłamietraŭ u hadzinu.

Bolšaja častka achviar i paciarpiełych - žychary horada Tymišaara i jaho vakolic. Tymišaara - treci pa vieličyni horad Rumynii, raźmieščany na zachadzie krainy.

Paryvy vietru valili drevy i zryvali dachi damoŭ. Paškodžanyja mnohija linii elektrapieradačy i kanały vodazabieśpiačeńnia.

«Nas nichto nie papiaredžvaŭ, što nas čakaje takoje. Prahnoz nadvorja abiacaŭ tolki doždž», - skazaŭ mer Tymišaary Mikałaje Robu ŭ intervju rumynskamu telekanału Digi 24.

Ekstrannyja słužby krainy prosiać žycharoŭ nie vychodzić na vulicu. Zhodna ź sinoptykami, u dadzieny momant urahan ruchajecca ŭ bok Ukrainy.

0

0

0

0

0

0