Pad Janavam mikraaŭtobus ź dziećmi trapiŭ pad ciahnik: čatyry čałavieki zahinuli
Uviečary 15 vieraśnia na čyhunačnym pierajeździe ŭ Ivanaŭskim rajonie Bresckaj vobłaści adbyłasia strašnaja avaryja: mikraaŭtobus «Miersiedes» sutyknuŭsia ź ciahnikom. Čatyry čałavieki zahinuli, paviedamlaje sajt Śledčaha kamiteta.
Pryblizna ŭ 18:30 kala ahraharadka Brodnica Ivanaŭskaha rajona mikraaŭtobus «Mersedes Spryntar» vyjechaŭ na čyhunačny pierajezd, nie abstalavany šłahbaŭmam, dzie sutyknuŭsia z łakamatyvam.
U vyniku avaryi zahinuli 22-hadovy kiroŭca, jaho 16-hadovy daloki svajak i dvoje plamieńnikaŭ — 3-hadovaja dziaŭčynka i 2-hadovy chłopčyk.
Jašče dvoje pasažyraŭ, 15-hadovy padletak i 3-hadovaja dziaŭčynka atrymali ciažkija traŭmy i špitalizavany ŭ balnicu.
Sa słoŭ vidavočcy, DTZ adbyłosia na zabaranialny sihnał śvietłafora. Pry hetym aŭtamabil ruchaŭsia na značnaj chutkaści, a mašynist łakamatyva padavaŭ hukavyja sihnały. Pavodle papiarednich źviestak, mikraaŭtobus nakiroŭvaŭsia na stancyju «Juchnavičy», kudy kiroŭca padvoziŭ 15-hadovaha susieda na ciahnik.
Zaviedzienaja kryminalnaja sprava za parušeńnie praviłaŭ darožnaha ruchu, što paciahnuła pa nieaściarožnaści śmierć dźviuch i bolš asobaŭ.