Handbolny kłub «Viciaź» zaprasiŭ Alaksandra Hleba zhulać suprać BHK

Handbolny kłub «Viciaź» zaprasiŭ znakamitaha biełaruskaha futbalista Alaksandra Hleba zhulać za «Viciaź» suprać bresckaha BHK paśla taho, jak barysaŭski BATE admoviŭ jamu ŭ mahčymaści vyjści na pole ŭ matčy suprać łondanskaha «Arsienała».

Infarmacyja pra heta źjaviłasia ŭ aficyjnaj supołcy «Viciazia» va «Ukantakcie». 

Kiraŭnictva kłuba z humaram pieraličyła ŭsie plusy svajoj prapanovy:

• «Alaksandr Hleb atrymaje fajnuju majku ź biełaruskim arnamientam 
• Naš pravy paŭsiaredni Illa Dudaronak admovicca ad #13 na karyść Hleba 
• Imia našaha kouča — Alaksandr, i jon nie mienš lehiendarny, čym Arsien 
• Hleb byŭ hatovy zhulać za BATE biaspłatna. Idealna! 
• Handboł — papularnaje praktykavańnie na futbolnych treniroŭkach, i my ŭpeŭnienyja: Hleb viedaje, što treba rabić na placoŭcy 
• My ličym, što čałaviek, jaki ŭmieje addavać dobryja pasy nahami, zdolny na heta i rukami 
• Naš bramnik Vadzim Kotaŭ viedaje dobryja miescy dla rybałki»

«Pavažany Alaksandr Paŭłavič, naša kamanda maje patrebu ŭ Vašych pasłuhach! Zrobim pryhožuju historyju razam!» — havorycca ŭ zaprašeńni na zakančeńnie. 

JUB

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0