Źbirajucca hrošy na vypusk papiarovaha samalocika, jakim možna kiravać sa smartfona
Startap ź Ńju-Jorka źbiraje hrošy na papularnaj kraŭdfandynh-placoŭcy «Kikstartar», kab mieć mahčymaść vypuścić «razumny» papiarovy samalot POWERUP DART, jaki zdolny vykonvać mnostva dziŭnych trukaŭ, z kiravańniem sa smartfona.
Vynachodnik hetaha samalota Šaj Hajtejn piša, što dastatkova skłaści samalocik, prymacavać da jaho pryładu DART — i aparat hatovy. U pavietry jon moža vykonvać mnostva trukaŭ: bočku, piatlu, nažnicy i inš.
Adznačajecca, što papiarovy samalot moža razhaniacca da 40 kiłamietraŭ za hadzinu. Dla poŭnaj zaradki jamu patrabujecca ŭsiaho 25 chvilin (jana ažyćciaŭlajecca pry dapamozie standartnaha Micro-USB).
Kiravańnie samalotam viadziecca sa smartfona pry dapamozie mabilnaha dadatku POWERUP app.
Startap sabraŭ užo praktyčna 200 000 dalaraŭ (pry zajaŭlenaj mecie ŭ $25 000), što pakazvaje sapraŭdnuju cikavaść ludziej da cacak z IT-technałohijami.
