Kiraŭnik Viciebskaj vobłaści padniaŭ hiru za chvilinu 61 raz
Staršynia Viciebskaha abłvykankama Mikałaj Šarstnioŭ pryniaŭ udzieł u III Suśvietnaj alimpijadzie pa hiravym tryjatłonie, jakaja siońnia ŭračysta adkryłasia ŭ Viciebsku.
Hubiernatar vystupiŭ u składzie kamandy Biełarusi ŭ estafiecie z 32-kiłahramovaj hiraj. Biełarusy ŭ hetych spabornictvach zaniali pieršaje miesca, a Mikałaj Šarstnioŭ za chvilinu padniaŭ hiru 61 raz. «Adčuvaju zadavalnieńnie. Dva hady tamu ja dla siabie pastaviŭ metu — za 60 siekund hiru ŭ 32 kh padniać 60 razoŭ. Voś siońnia ja heta vykanaŭ», - pryznaŭsia hubiernatar žurnalistam, jakija, znajšoŭšy momant, vyrašyli raspytać kiraŭnika vobłaści ab jaho spartyŭnym žyćci.
Mikałaj Šarstnioŭ raspavioŭ, što ŭ jaho niama nijakaj asablivaj sistemy charčavańnia. «Zvyčajny ład žyćcia i zvyčajnaje charčavańnie. Uličvajučy ščylny hrafik, viečaram nie mahu trapić u spartzału, u abied taksama nie atrymlivajecca. Tamu ja zaŭsiody zajmajusia ranicaj z 5 da 6 hadziny. Hiry zručnyja tym, što ź imi možna pracavać doma, nie treba nijakich śpiecyjalnych umoŭ, abstalavańnia, trenažoraŭ. Heta adzin z samych prostych i dastupnych vidaŭ sportu», — padzialiŭsia čynoŭnik.
