Advakat: Pavieł Hryb byŭ vykradzieny ŭ Homieli, pieradadzieny ŭ Smalenskaj vobłaści
19-hadovy vykradzieny ŭ Homieli ŭkrainiec Pavieł Hryb znachodzicca ŭ śledčym izalatary FSB pa Krasnadarskim krai Rasii.
Advakat Andrej Sabinin, jaki abaraniaje intaresy chłopca, pabyvaŭ u padabaronnaha ŭ SIZA. Pra heta jon napisaŭ na svajoj staroncy ŭ fejsbuku.
«Pišu dla ŭsich, chto ŭ temie. Sustreŭsia ŭ SIZA z Paŭłam Hrybam. Vyhladaje narmalna, ale niepakoicca, što bieź lekaŭ. Taksama nie vyrašany bytavyja prablemy. Ja ž daŭ padpisku pra nierazhałošvańnie, tamu kamientavać sutnaść abvinavačvańnia nie maju prava. Sa słoŭ samoha Hryba, jon byŭ vyviezieny z Homiela nieviadomymi ludźmi i pieradadzieny inšym nieviadomym, i prykładna praz paru dzion u Smalenskaj vobłaści byŭ aformleny pratakoł zatrymańnia. Paśla hetaha dastaŭleny ŭ Krasnadar», — napisaŭ advakat.