U Minsku zatrymany staršynia SFK «Słuck» Aleh Karanieŭski
Aleh Karanieŭski, staršynia SFK «Słuck», zatrymany ŭ aŭtorak u momant atrymańnia chabaru. Pra heta «Kurjeru» paviedamiŭ Kanstancin Šalkievič, načalnik upraŭleńnia infarmacyi i hramadskich suviaziaŭ MUS Biełarusi.
Zatrymany jon byŭ na praśpiekcie Pieramožcaŭ u Minsku supracoŭnikami ABEZ UUS Minabłvykankama. Jon padazrajecca ŭ atrymańni chabaru.
Na dadzieny momant inšyja padrabiaznaści MUS nie paviedamlaje.
U futbolnym kłubie skazali, što 6—7 vieraśnia Aleh Karanieŭski na pracu nie vychodziŭ, i nie viedajuć, pa jakoj pryčynie. Mabilnyja numary Karanieŭskaha niedastupnyja.
Aleh Karanieŭski naradziŭsia ŭ vioscy Basina, što pad Navahradkam. U Słuck pryjechaŭ u 1996 hodzie. Hety horad — radzima žonki. Tut jon uładkavaŭsia trenieram u Dom kultury na cukrovym kambinacie. Praź niekatory čas u horadzie była arhanizavanaja futbolnaja kamanda — jon ličycca adnym ź jaje zasnavalnikaŭ. Ad druhoj lihi čempijanatu vobłaści (1998 hod) kamanda darasła da vyšejšaj lihi.