Na Soncy adbyvajecca niezvyčajna doŭhaja sieryja ŭspyšak, čakajecca mocnaja mahnitnaja bura
Na Soncy adbyvajecca niezvyčajna doŭhaja sieryja ŭspyšak, jakaja pačałasia jašče 4 vieraśnia. Pra heta paviedamlaje TASS sa spasyłkaj na kiraŭnika rasijskaha Centra kaśmičnaha nadvorja Instytuta ziamnoha mahnietyzmu, ijonaśfiery i raspaŭsiudžvańnia radyjochvalaŭ Rasijskaj akademii navuk.
Pa słovach ekśpierta, z 4 vieraśnia na Soncy adbyłosia ŭžo 11 uspyšak. Spačatku adbylisia piać nievialikich uspyšak kłasa «M» mahutnaściu 4—5 bałaŭ, zatym 6 vieraśnia — uspyška kłasa «X» mahutnaściu ŭ 2,2 bała, u toj ža dzień zdaryłasia ekstremalna mocnaja ŭspyška X9.3, na praciahu nočy i dnia čaćviarha zafiksavanyja čatyry ŭspyški kłasa «M» mahutnaściu ŭ 2, 5, 1, 2, 2 i 7,4 bała.
«Sieryja ŭspyšak akazałasia niezvyčajna doŭhaj», — adznačyŭ Siarhiej Hajdaš.
Uspyški i vykid soniečnaha rečyva vyklikali na Ziamli mahnitnuju buru. «Udzień 7 vieraśnia mahnitnaja bura dasiahnuła siarednich značeńniaŭ. My ŭžo majem buru mahutnaściu ŭ 5 bałaŭ, heta vyšej za siaredni ŭzrovień, maksimalnych značeńniaŭ jana moža dasiahnuć u subotu», — skazaŭ ekśpiert.
