Pucin zajaviŭ pra hatoŭnaść daśledavać razam z ZŠA daloki kosmas, «kali jakija-niebudź razumniki nie pieraškodziać»
Rasija sumiesna z ZŠA ŭ budučyni płanuje piłatavanyja puski z kasmadroma «Uschodni» i vyvučeńnie dalokaha kosmasu, kali jakija-niebudź «razumniki» ŭ Vašynhtonie nie pieraškodziać, zajaviŭ prezident Rasii Uładzimir Pucin padčas Uschodniaha ekanamičnaha forumu.
© RIA Novosti / Sierhiej Mamontov
Pa słovach prezidenta Rasii, kasmadrom «Uschodni», jaki byŭ zakładzieny niekalki hadoŭ tamu, užo pačaŭ funkcyjanavać, zroblenyja pieršyja zapuski rakiet, i na siońnia jość płany pa budučych prajektach, u tym liku — sumiesna z ZŠA.
«U bližejšyja niekalki hadoŭ piarojdziem da taho, što heta budzie pieršy sapraŭdny bujnamaštabny hramadzianski kasmadrom rasijski, ź jakoha my budziem daśledavać, u tym liku, i daloki kosmas, ažyćciaŭlać piłatujemyja paloty i tak dalej. Darečy, płanujem heta rabić i sa Złučanymi Štatami — prynamsi, kali ŭsiakija razumniki z roznych struktur amierykanskich nie pieraškodziać. Cikavaść da hetaha jość, u tym liku, skažam, pa vyvučeńni Marsa da 2030 hoda sumiesna z amierykanskimi partniorami», - skazaŭ kiraŭnik Rasii.
Kasmadrom «Uschodni» budujecca la horada Cyjałkoŭski u Amurskaj vobłaści z 2012 hoda. Jon stanie pieršym rasijskis kasmadromam hramadzianskaha pryznačeńnia i dazvolić zabiaśpiečyć niezaležny dostup Rasii ŭ kaśmičnuju prastoru. Ciapier Rasija karystajecca pabudavanym jašče za savieckim časam kasmadromam Bajkanur u Kazachstanie.
