Navukoŭcy stvaryli hlebu, u jakoj drevy rastuć u dva razy chutčej
Navukoŭcy Sibirskaha fiederalnaha ŭniviersiteta z Krasnajarska stvaryli pavierchnievy płast hleby, jaki dazvalaje vyroščvać drevy ŭ dva razy chutčej i pravodzić rekultyvacyju, paviedamlaje RIAN sa spasyłkaju na pres-słužbu VNU.
«Navukoŭcy ŭniviersiteta ŭ łabaratornych umovach stvaryli ŭradlivy pavierchnievy płast hleby — bijamat, jaki dazvolić značna spraścić i paskoryć praces rekultyvacyi technahienna parušanych ziamiel, u tym liku i na paŭnočnych terytoryjach, dzie bijałahičny etap rekultyvacyi mocna abciažarany značnaj addalenaściu i ciažkadastupnaściu abjektaŭ, surovymi klimatyčnymi ŭmovami i hidratermičnym režymam hleby», — havorycca ŭ paviedamleńni.
Pavodle infarmacyi raspracoŭščykaŭ, bijamat całkam zhnivaje za 4—5 hadoŭ, a pradukty jaho hnijeńnia zabiaśpiečvajuć raźvićcio raślin. «Dyvan» ź bijamatu možna raspaścierci praktyčna ŭ lubym miescy: jaho možna vykarystoŭvać nie tolki dla rekultyvacyi, ale i va ŭładkavańni haradskich prastoraŭ.
Praviedzienyja daśledčykami ekśpierymienty pakazali palapšeńnie ŭschodžaści i pryžyvalnaści nasieńnia. Za paŭhoda chvoi, pasadžanyja na bijamacie, vyraśli ŭ dva razy chutčej, čym kantrolnyja. Pracaj navukoŭcaŭ z Krasnajarska ŭžo zacikavilisia pradstaŭniki naftahazavych kampanij.
Bijamat — heta asnova z naturalnaha vałakna, nasyčanaja inertnym składam polivieniłacetatu, jaki dazvalaje praciahły čas zachoŭvać miechaničnuju tryvałaść. Na asnovu nanosiacca arhaničnyja napaŭnialniki, jakija źmiaščajuć bijałahična aktyŭnyja dabaŭki i rečyvy pryrodnaha pachodžańnia.
