Pad Mahilovam «Opiel» sutyknuŭsia sa školnym aŭtobusam: jość paciarpiełyja
U Mahiloŭskim rajonie 6 vieraśnia «Opiel» urezaŭsia ŭ školny aŭtobus. Pasažyrki aŭtobusa — 51-hadovaja nastaŭnica i 13-hadovaja školnica — atrymali ŭdary, 49-hadovaja kiroŭca lehkavuški - bolš surjoznyja traŭmy, raspaviała Tut.by pradstaŭnik abłasnoj DAI Anastasija Daraškova.
DTZ adbyłosia ŭ 16.05 kala vioski Viendaraž. Babrujčanka na «Opieli» nie vybrała biaśpiečnuju chutkaść ruchu, nie spraviłasia z kiravańniem, vyjechała na pałasu sustrečnaha ruchu i ŭrezałasia ŭ školny aŭtobus.
43-hadovy kiroŭca PAZa ŭžo raźvioz bolšaść vučniaŭ dadomu, tamu ŭ sałonie aŭtobusa byli tolki dźvie pasažyrki.
Babrujčanku špitalizavali z udaram hrudnoj kletki i pierałomam unutranaj ščykałatki pravaj halonki. Nastaŭnicu ź vioski Viendaraž i školnicu ź vioski Budzišča taksama zabrali ŭ balnicu.
