«Fest vyšyvanki» projdzie ŭ Hrodnie 10 vieraśnia
U niadzielu, dziasiataha vieraśnia, u centry samaha jeŭrapiejskaha horada Biełarusi adbudziecca kulturnickaje mierapryjemstva, jakoje abjadnaje dy dapamoža papularyzavać raznastajnyja prajavy tvorčaści ad viadomych ajčynnych aŭtaraŭ, a taksama daść mahčymaść haradziencam nabyć jakasnuju suvienirnuju dy inšuju nacyjanaaryjentavanuju pradukcyju naŭprost ad vytvorcaŭ pa najlepšych koštach.
Ciaham dnia ŭ pamiaškańni «Centru haradskoha žyćcia» buduć adbyvacca vystupy dy prezientacyi, a ŭ dvoryku možna budzie aznajomicca z vytvorčaściu ad majstroŭ z roznych rehijonaŭ Biełarusi.
Naprykancy dnia achvočyja zdolejuć albo ŭziać udzieł u tradycyjnych tancach, što adbuducca ŭ dvoryku, albo skiravacca na biaspłatnuju histaryčnuju intelektualnuju kamandnuju hulniu, što budzie pryśviečanuju ŭhodkam Bitvy pad Oršaj.
Prahrama «Festu vyšyvanki»
12:00-17:00 — vystava-kirmaš u dvoryku na Savieckaj, 3;
12:00-14:00 — vystup-lekcyja piśmieńnika dy daśledčyka Paŭła Sieviarynca, pryśviečanaja haradzienskim śviataram, jakija adradžali Biełaruś 100 hadoŭ tamu;
14:00-14:30 — prezientacyja histaryčnych mapaŭ dy komiksaŭ dla dziaciej i darosłych ad mastaka Jana Mialnickaha;
14:30-15:00 — vystup-hutarka z paetam dy piśmieńnikam Słavamiram Adamovičam;
15:30-16:00 — vystup łaŭreata «Kniha hoda» (2016) paetessy Nasty Kudasavaj;
16:00-16:30 — prezientacyja sieryi ekskluziŭnych litaraturnych natatnikaŭ da 500-hodździa biełaruskaha knihadruku dy vystup prazaika Kiryła Stasielki;
16:30-18:00 — vystup Alesia Dzianisava dy inšych muzykaŭ;
18:00-20:00 — tradycyjnyja biełaruskija tancy pad žyvuju muzyku ad sacyjalnaha prajekta «Tancy haradzienskich dvorykaŭ»;
18:00-20:00 — biaspłatny pab-kviz «Słava Voršy ŭžo nia horša» (Pizza Smile, vuł. Pieramohi, 47)
