Pucin paabiacaŭ padać u sud na ZŠA z-za parušeńnia pravoŭ Rasii
AP
Ułady Rasii pakidajuć za saboj prava adkazać na rašeńnie ZŠA ab zakryćci rasijskaha hienkonsulstva ŭ San-Francyska i handlovych pradstaŭnictvaŭ u Vašynhtonie i Ńju-Jorku, zajaviŭ prezident Rasii Uładzimir Pucin na pres-kanfierencyi ŭ Kitai, dzie skončyŭsia samit BRIKS, piša rbc.ru.
Pucin adznačyŭ, što ŭłady ZŠA mieli prava skaracić kolkaść rasijskich konsulstvaŭ u svajoj krainie, adnak zroblena imi heta było «ŭ chamskaj maniery».
«Heta nie ŭpryhožvaje našych amierykanskich partnioraŭ. Ale ciažka vieści dyjałoh ź ludźmi, jakija błytajuć Aŭstryju z Aŭstralijaj. Z hetym ničoha ŭžo nie zrobiš, taki ŭzrovień palityčnaj kultury peŭnaj častki amierykanskaha isteblišmientu», — adznačyŭ Pucin.
Kiraŭnik Rasii asabliva adznačyŭ, što dziejańni ŭładaŭ ZŠA parušyli majomasnyja pravy Rasii, jakuju pazbavili prava karystacca svajoj majomaściu.
«Heta vidavočnaje parušeńnie majomasnych pravoŭ rasijskaha boku. Tamu dla pačatku dam daručeńnie rasijskamu MZS źviarnucca ŭ sud, pahladzim jak efiektyŭna pracuje chvalonaja amierykanskaja sudovaja sistema», - rastłumačyŭ Pucin.
Kiraŭnik Rasii taksama adznačyŭ, što Rasija pakidaje za saboj prava adkazać na dziejańni ŭładaŭ ZŠA skaračeńniem piersanału amierykanskaj dypmisii ŭ Rasii jašče na 155 čałaviek dla dasiahnieńnia poŭnaha parytetu.
Adnak u bližejšy čas Rasija pakul nie maje namieru prymać takoha rašeńnia.