Ukraina ŭzmacniaje kantrol na miežach u suviazi z vučeńniami «Zachad-2017»
Dziaržpahransłužba Ukrainy ŭzmacniła patrulavańnie miežaŭ na ŭsich učastkach z-za rasijska-biełaruskich vučeńniaŭ «Zachad-2017», jakija projduć 14-20 vieraśnia. Pra heta ŭ efiry telekanała «112 Ukraina» paviedamiŭ pamočnik staršyni DPSU Aleh Słabadzian.
«Hetyja miery ŭžo pačalisia z pačatku vieraśnia. U nas startavali kamandna-štabnyja vučeńni, u ramkach jakich byli ŭzmocnienyja ŭčastki miažy na ŭsich biez vyklučeńnia kirunkach, pačynajučy ad zony ATA, paŭnočnaj, zachodniaj, paŭdniovaj, heta značyć na ŭsich učastkach my ŭzmacniajem miery pa mienšaj miery na pieryjad da zakančeńnia vučeńniaŭ «Zachad-2017», - raspavioŭ Aleh Słabadzian.
U rasijska-biełaruskich sumiesnych stratehičnych vučeńniach Uzbrojenych sił «Zachad-2017» budzie zadziejničana 10,2 tys. vajskoŭcaŭ: 7,2 tys. ad Uzbrojenych sił Biełarusi i kala 3 tys. - ad Uzbrojenych sił RF. A ŭsiaho da ŭdziełu ŭ vučeńniach płanujecca pryciahnuć da 12,7 tys. vajskoŭcaŭ i da 680 adzinak bajavoj techniki.
