«FSB prykinuŭsia dziaŭčynaj, kab vymanić jaho»: u Homieli źnik ukrainiec, jakoha Rasija padazraje ŭ teraryźmie
19-hadovy Pavieł Hryb pryjechaŭ u Homiel 24 žniŭnia. Bolš na suviaź jon nie vychodziŭ. Baćka chłopca ŭpeŭnieny, što jaho syna zatrymali rasijskija śpiecsłužby.
Pavieł Hryb
Pa słovach Ihara Hryba, baćki Paŭła, jaho syn pierapisvaŭsia praź internet ź dziaŭčynaj: paznajomilisia praz Ukantakcie, žyŭcom nie bačylisia. Dziaŭčyna nibyta była z Rasii, sustrecca ź joj Pavieł vyrašyŭ u Biełarusi. 24 žniŭnia chłopiec pajechaŭ u Homiel, źbiraŭsia viarnucca ŭ toj ža dzień, ale ž źnik.
Baćka pajechaŭ u Homiel šukać syna.
«Ja daviedaŭsia, što syn znachodzicca ŭ vyšuku pa artykule «Terarystyčny akt», vyšuk inicyjavany FSB horada Sočy», — śćviardžaje Ihar Hryb.
Pa słovach baćki, biełaruskija pamiežniki zajavili, što nie vałodajuć jakoj-niebudź infarmacyjaj nakont Paŭła Hryba. Ihar Hryb upeŭnieny, što na terytoryi Biełarusi syna zatrymali supracoŭniki FSB.
Adznačym, što Pavieł Hryb invalid, u vojsku nie słužyŭ.
Pakul nieviadoma, što dakładna zdaryłasia.
Ukrainskaja ambasada nakiravała notu ŭ biełaruskaje MZS z metaj vyśvietlić miescaznachodžańnie źnikłaha chłopca, paviedamiła «Ukrainskaja praŭda».
Homielskaja milicyja admoviłasia ad kamientaroŭ. U KDB pakul taksama nie prakamientavali hetuju historyju.
