Biełarusy Ńju-Jorka adznačyli 26-ja ŭhodki niezaležnaści
27 žniŭnia ŭ Sabory BAPC Kiryły Turaŭskaha ŭ Ńju-Jorku adbyłosia śviatkavańnie 26-ch uhodkaŭ abviaščeńnia niezaležnaści Biełarusi. Z pramovaj-uspaminam pra padziei žniŭnia 1991 hoda vystupiŭ Zianon Paźniak.
Jon znoŭ uźniaŭ temu pahrozy biełaruskaj niezaležnaści ŭ vyniku vučeńniaŭ «Zachad-2017». U hety ž čas uhodki niezaležnaści adznačali biełarusy kanadskaha Taronta. Jany taksama słuchali pramovu Paźniaka praz skajp.
Dalej imprezu praciahnuli litaraturnyja čytańni z udziełam Siarhieja Kudzieliča, Alaksandra Sačniova, Aleny Kryvieckaj i Śviatłany Kazačok. Jany pracytavali patryjatyčnyja słovy Tadevuša Kaściuški, Kastusia Kalinoŭskaha, vieršy Janki Kupały i Łarysy Hienijuš.
Jašče adnoj nahodaj dla śviata sta prezientacyja knihi patryjarcha biełaruskaj emihracyi Vitaŭta Kipiela «Biełarusy ŭ ZŠA».