Na miescy źniesienaha «Biełekspa» nie dazvolili budavać vyšynnyja damy i kompleks u arabskim styli
Kancepcyj zabudovy terytoryi «Biełekspa» było niekalki, ale horad nie ŭchvaliŭ ni vysotak, ni arabskaj stylistyki. Pra heta raspavioŭ staršynia kamiteta architektury i horadabudaŭnictva Minharvykankama Pavieł Łučynovič, piša Tut.by.
Prajektavańniem kompleksu na miescy źniesienaha «Biełekspa» i 2-j balnicy zajmałasia architekturnaje biuro «Varabjoŭ i partniory». Pa słovach Paŭła Łučynoviča, praca pravodziłasia na praciahu apošnich 1,5 hoda. Było raspracavana niekalki varyjantaŭ budučaha kompleksu. Ad kancepcyi, jakaja praduhledžvaje budaŭnictva vysotak, horad admoviŭsia.
— My troški ssoŭvajem asnoŭny abjekt — haścinicu, adna z umoŭ — jana nie pavinna daminavać nad Vierchnim horadam i nad vierchniaj kropkaj opiernaha teatra. My zachoŭvajem histaryčnyja budynki, budzie pravodzicca restaŭracyja z prystasavańniem», — adznačyŭ Pavieł Łučynovič.
Admoviŭ horad i kancepcyi z arabskimi matyvami — znoŭ ža tamu, što pobač — kultavyja abjekty.
— Stylistyka kompleksu budzie, chutčej, suhučnaja praśpiektu Niezaležnaści, — udakładniŭ Łučynovič.
Dzie budzie novaje «Biełekspa», horad jašče nie vyznačyŭsia.
— Ale placoŭka budzie niedaloka ad kalcavoj, za miažoj Minska, — adznačyŭ staršynia Minharvykankama.
Nie vyznačanaja pakul što i sama kancepcyja hałoŭnaha vystavačnaha centra krainy.
Nahadajem, u 2021 hodzie na miescy «Biełekspa» i byłoj 2-j balnicy pavinien źjavicca šmatfunkcyjanalny kompleks, jaki składajecca z hatela, handlovych abjektaŭ, kazino, spa-kompleksu z basiejnam i h. d.