U vieraśni adkryjecca avijarejs ź Viciebska ŭ Jehipiet
Ad 21 vieraśnia ŭ mižnarodnym aeraporcie «Viciebsk» źjavicca novy avijarejs — u Jehipiet.
Viciebski aeraport, napeŭna, upieršyniu stanie absłuhoŭvać zimovyja čartary. Vylety ź Viciebska ŭ Churhadu, zamoŭcam jakich vystupaje turystyčnaje ahienctva «Tez Tour», buduć dastupnyja da 9 studzienia. Avijapieravozčykam stała kampanija «Biełavija», jakaja źbirajecca vykarystoŭvać na hetych rejsach samaloty «Boeing 737-800» z 200 pasažyrskimi miescami.
Vidavočna, što raźlik robicca nie na biełaruskich turystaŭ, jakim nie zusim pa kišeni pahrecca ŭzimku na jehipieckim soniejku, a na rasiejcaŭ. Ad 2015 hoda ŭ Rasijskaj Fiederacyi dziejničaje zabarona na paloty ŭ Jehipiet.
Taksama ŭ pačatku leta ŭ aeraporcie «Viciebsk» źjaviŭsia rehularny rejs u Kalininhrad. Płanavałasia, što takija paloty pa piatnicach i niadzielach praciahnucca da 8 vieraśnia.
