U višniovaj stalicy Biełarusi iznoŭ raskvitnieli višni FOTAFAKT
Zdarałasia i raniej, što ŭ žniŭni «vykiniecca» niejkaje adzinaje na ŭsio Hłybokaje sukviećcie višni, dy raskvitnieje. A siońnia idu paŭz pryvatny siektar u rajonie małočna-kansiervavaha kambinata, pa vuł. Lenina (byłoj Vilenskaj, jak napisaŭ by Kastuś Šytal), baču la doma №117 pierad płotam — na adnoj, druhoj, treciaj višniach pa dva dziasiatki kvietak. Paŭsotni krokaŭ — la doma №113, taksama pierad płotam kvitnieje višnia. Pierajšoŭ na cotny bok vulicy, praź mietraŭ 300, la doma №112, taksama na višni — kvietki.
Hod u nas tut niejki anamalny! To nikoli ŭ lipieni nie znachodziŭ u lesie machavikoŭ, a tolki ŭ vieraśni, to lisički, raptam, vyraśli tam, dzie nikoli nie raśli — až žoŭta. Z adnaho miesca — viadro! Voś i višni raskvitnieli ŭ žniŭni i možna ładzić paŭtorna višniovy fest…
Śpieły pažoŭkły bulboŭnik i kvitniejučaja višnia
Taja samaja višnia — frahmient krony z kvietkami.
