Novy iPhone, mahčyma, budzie pradstaŭleny ŭ novym kolery «zołata z čyrvańniu»
Nastupnaja chvala čutak z Kitaja pryniesła novuju nazvu iPhone 8 u kolery «zołata z čyrvańniu» (załacista-miedny koler). Na forumie Weibo źjavilisia dadzienyja, pavodle jakich partniory Apple z zavoda Foxconn, što zajmajecca vyrabnictvam pryładaŭ «Epł», nazyvajuć navinku iPhone Blush Gold.
Pra heta napisaŭ u svaim Twitter niechta Biendžamin Hieskin, spasyłajučysia na ŭłasnyja krynicy.
Akramia hetaha, u tym ža tvicie Hieskin zhadaŭ, što novy iPhone budzie pradstaŭleny tolki z abjomam pamiaci ŭ 64 Hb i 128 Hb. Pryčyny rašeńnia Apple admovicca ad varyjantu z 256 Hb pamiaci pakul zastajucca nieviadomymi.
Nahadajem, što Apple rychtuje da vypusku ŭ nastupnym miesiacy nie tolki iPhone 7s i iPhone 7s Plus, ale i jubilejny iPhone 8, pryśviečany 10-hodździu smartfona. Čakajecca, što iPhone 8 stanie pieršym smartfonam Apple ź biazramačnym OLED-dyspłejem, sistemaj raspaznańnia asoby i naboram inšych novych funkcyj.
