Die Welt paviedamiŭ ab pastaŭkach iranskaha ŭzbrajeńnia ŭ Rasiju nasupierak sankcyjam AAN
Iran pastaviŭ kampanienty ciažkaha ŭzbrajeńnia ŭ Rasiju nasupierak sankcyjam Rady Biaśpieki AAN. Uzbrajeńnie Irana trapiła ŭ Rasiju praź Siryju, piša Welt am Sonntag (niadzielnaja redakcyja Die Welt) sa spasyłkaj na krynicy ŭ zachodnich śpiecsłužbach.
Pa dadzienych vydańnia, u červieni dva iranskija samaloty pryziamlilisia na avijabazie Chmiejmim u Siryi, dzie bazujecca rasijskaja avijacyja. Na samalotach dastavili kampanienty ciažkaha ŭzbrajeńnia dla ich dalejšaj transparciroŭki ŭ Rasiju. Zatym kampanienty pieravieźli na hruzavikach u port Tartus na Mižziemnym mory, rasskazvajuć surazmoŭcy haziety. Užo adtul iranskaje ŭzbrajeńnie było dastaŭlena ŭ Novarasijsk na rasijskim karabli «Sparta III».
Welt am Sonntag publikuje fatahrafiju ŭ svaim aficyjnym akaŭncie ŭ tvitary, na jakoj, jak śćviardžaje vydańnie, adlustravany iranski samalot u Chmiejmim. Data, kali byŭ zrobleny zdymak, nie paviedamlajecca.
So umgeht Russland die UN-Sanktionen gegen den Iran https://t.co/dX3XKWvksOpic.twitter.com/SZ0xXy4ju9
Hazieta piša, što takim čynam Rasija i Iran parušyli rezalucyju № 2231, uchvalenuju Radaj Biaśpieki AAN u 2015 hodzie. Jana zabaraniaje biez ŭzhadnieńnia z Radaj Biaśpieki «pastaŭku, prodaž abo pieradaču <…> ŭsich vidaŭ bajavych tankaŭ, artyleryjskich sistem vialikaha kalibra, bajavych samalotaŭ, bajavych viertalotaŭ, bajavych karabloŭ, rakiet abo rakietnych sistem». Zabarona taksama raspaŭsiudžvajecca na «budaŭnictva i ramont» takoha ŭzbrajeńnia. Što mienavita Iran moh pastavić Rasiei, nie paviedamlajecca.
Pa dadzienych servisu VesselFinder, jaki adsočvaje miescaznachodžańnie sudoŭ, hruzavoje sudna «Sparta III» vyjšła z Tartusa 5 žniŭnia. 13 žniŭnia jano dabrałasia da Novarasijska.
Welt am Sonntag nazyvaje pastaŭku ŭzbrajeńnia praź Siryju «novym kantrabandnym maršrutam», jaki moža zblizić Rasiju i Iran. Hazieta adznačaje, na minułym tydni vice-premjer Rasii Dźmitryj Rahozin paviedamiŭ, što Maskva i Tehieran padpisali «papiaredniaje pahadnieńnie ab umacavańni vajskovaha technałahičnaha supracoŭnictva». Damova stała adkazam na ŭviadzieńnie novych sankcyj z boku ZŠA, ličyć vydańnie.
Krynica TASS, znajomaja z płanami vice-premjera ŭ Iranie 5 žniŭnia paviedamiŭ, što Rahozin u Tehieranie sustreniecca ź ministram abarony Irana Chasiejnam Dechhanam i abmiarkujuć pytańni, «u tym liku jakija datyčacca i novych pastavak rasiejskich uzbrajeńniaŭ».
