Žychary Barsiełony praviali akcyju suprać turystaŭ na haradskim plažy FOTAFAKT
Niekalki sotniaŭ žycharoŭ Barsiełony zładzili akcyju pratestu suprać masavaha turyzmu na samym papularnym siarod turystaŭ haradskim plažy Barsiełanieta.
Udzielniki akcyi vyviesili płakaty z nadpisami «My nie chočam turystaŭ», «Spynicie masavy turyzm» i inšymi.
Akcyju arhanizavali žychary rajona Barsiełanieta, da ich taksama dałučylisia žychary inšych rajonaŭ katałonskaj stalicy.
Rajon Barsiełanieta znachodzicca pamiž portam Barsiełony i Alimpijskaj vioskaj, heta adno z asnoŭnych turystyčnych miescaŭ.
U rajonie, jaki vychodzić na nabiarežnuju, znachodzicca šmat hatelaŭ i restaranaŭ, a mnohija kvatery ŭ damach zdajucca adpačyvalnikam.
Žychary Barsiełony niezadavolenyja pavodzinami turystaŭ, a taksama tym, što z-za rezkaha rostu kolkaści turystaŭ u horadzie rastuć ceny na arendu kvater.
«Raniej my žyli pobač sa złodziejami i narkamanami, sprabavali narmalna ŭžyvacca, i ŭ nas heta atrymlivałasia. Ale turyzm źniščyŭ usie», - skazała adna z udzielnic akcyi.
U pieršym paŭhodździ Ispanija ŭstanaviła čarhovy rekord pa kolkaści zamiežnych turystaŭ - u krainu prybyli 36,4 miljona čałaviek.
Premjer Ispanii Maryjana Rachoj zajaviŭ, što turyzm zabiaśpiečvaje 11% VUP krainy.
