Biełarus Karatkievič čaćviorty raz pieramoh na Google Code Jam
Biełaruski prahramist Hienadź Karatkievič znoŭ zaniaŭ pieršaje miesca na spabornictvach Google Code Jam, paŭtaryŭšy svoj letašni pośpiech. U hetym hodzie konkurs spartyŭnaha prahramavańnia prachodziŭ u Irłandyi, u dublinskim ofisie kampanii.
Karatkievič nabraŭ 120 ačkoŭ. Jaho dva bližejšyja supierniki adstali ad biełarusa na 10 ačkoŭ.
Nahadajem, pieramožca Google Code Jam aŭtamatyčna traplaje ŭ finał nastupnaha turniru, a taksama atrymlivaje mahčymaść pracaŭładkavańnia ŭ kampaniju i 15 tysiač dalaraŭ pryzavych.
Hienadź Karatkievič skončyŭ škołu ŭ Homieli, a ŭ 2012 hodzie staŭ studentam Univiersiteta infarmacyjnych technałohij, miechaniki i optyki ŭ Sankt-Pieciarburhu. Raniej jon užo byŭ viadomy jak pieramožca mnostva spabornictvaŭ pa spartyŭnym prahramavańni: jon moža pachvalicca pieršymi miescami na VK Cup, Russian Code Cup, TopCoder Open, Jandeks. Ałharytm, Facebook Hacker Cup i mnohich inšych konkursach.
U konkursie spartyŭnaha prahramavańnia Google Code Jam Karatkievič pieramahaje ŭžo čaćviorty hod zapar.
