Na litoŭskaj miažy da 17 žniŭnia čakajucca čerhi: zboj prahramnaha zabieśpiačeńnia
Zboj prahramnaha zabieśpiačeńnia adbyŭsia va ŭsich litoŭskich punktach propusku na miažy, paviedamili BiełTA ŭ Dziaržpahrankamitecie.
«Pa infarmacyi litoŭskaha boku, u punktach propusku «Miadzininkaj» («Kamienny Łoh»), «Łavaryškies» («Katłoŭka»), «Šalčyninkaj» («Bieniakoni»), «Rajhardas» («Pryvałka»), «Šumskas» («Łoša») z-za zboju ŭ prahramnym zabieśpiačeńni, papiarednie, da 17 žniŭnia mytnaje afarmleńnie hruzavoha transpartu pry ruchu jak na ŭjezd, tak i na vyjezd ź Litvy budzie ździajśniacca ŭ ručnym režymie», - havorycca ŭ paviedamleńni.
Hramadzianam i pieravozčykam, jakija płanujuć pajezdki ŭ Litvu, rekamiendujuć uličvać hetuju infarmacyju i vybirać alternatyŭnyja maršruty ruchu.
Pavodle infarmacyi DPK na 20.00, na miažy ź Litvoj u punkcie propusku «Kamienny Łoh» u čarzie znachodziacca 200 hruzavych aŭtamabilaŭ, u «Pryvałcy» - 60, «Bieniakoniach» - 81, «Katłoŭcy» - 100 i 10 lehkavikoŭ.
