Kudy pajści, kali vy małady i stamilisia ad Zybickaj
12 žniŭnia — suśvietny dzień moładzi. «Naša Niva» vyrašyła, što pryśpieŭ čas užo źmianić bary na niešta bolš aryhinalnaje. My biełaruskuju moładź lubim i bieražom, tamu voś vam śpis idej, čym zaniacca, pakul vy maładyja i kali stamilisia tusavacca na Zybickaj. Pravierana na sabie.
Patančym?
Kali vam nie chapaje, naprykład, hamanlivaści ŭ znosinach ź ludźmi — prosta tancujcie ź imi. Napeŭna, vy chacieli vyhladać hetak ža kruta, jak Džon Travołta i Uma Turman u «Kryminalnym čytvie». Nie tady, viadoma, kali jany lažali ŭ łužynie kryvi, a tady, kali tančyli. Kab navučycca tancavać hetak ža, tolki jašče smačniej, bo ŭ blizkim kantakcie ci prosta ŭ taktylnym kantakcie z partnioram, pasprabujcie sacyjalnyja parnyja tancy (kizomba, bačata, salsa). U ich nie treba prytrymlivacca vyraznaj zavučanaj schiemy, jak u balnych tancach. Tut niama šabłonaŭ, uvieś taniec — impravizacyja. Z Umaj Turman i Travołtam vam, viadoma, patančyć nie ŭdasca, zatoje ŭ vas dakładna budzie šaniec pavieści ŭpadabanuju dziaŭčynu ci chłopca na kizomba — ci salsa — viečarynu. A moža, i nie adnu, bo na kizomba-viečarynkach usie rady patančyć i znajomicca z roznymi ludźmi, a na zaniatkach u škole tancaŭ «TUMBAO» padčas navučańnia vy praz kožnyja 3—4 chviliny zaniatkaŭ pierachodzicie da nastupnaha partniora.
Za adzin zaniatak vy paśpiejecie pahutaryć z usimi dziaŭčynami ŭ hrupie i navučyciesia tancavać lepš, a ŭ žyćci budziecie adčuvać siabie ŭpeŭniena i volna. Niadrenna ž, praŭda? U Minsku ŭ škole tancaŭ «TUMBAO» kožnuju subotu ładziacca viečarynki pa parnych tancach z łacinaamierykanskaj i afrykanskaj atmaśfieraj. Takaja kancentracyja flirtu, straści i enierhii, jak u kizombie, salsie, bačata, vam naŭrad ci dzieści jašče sustrenucca. Usim hetym tancam možna navučycca ŭ škole tancu «TUMBAO».
Tam zajmajucca intelihientnyja i enierhičnyja ludzi, jakija apryjory chočuć z vami pahutaryć. Mnohija prychodziać u «TUMBAO» z metaj znajści siabroŭ ci druhuju pałavinku, tamu ŭsie staviacca pryjazna. Uljana, vučanica škoły, raspaviała, što na jaje vačach za 3 hady ŭtvaryłasia šmat par. Niekatoryja navat vykładajuć ciapier razam. Sacyjalnyja tancy dobryja tym, što i biez padrychtoŭki maładych ludziej moža navučycca vieści partniorku, a dziaŭčatam — prytrymlivacca. Kali ŭ vas niama nijakaha tancavalnaha dośviedu i vy dumajecie, što tancy — heta nie vaša, to na prykładzie Uljany možna pierakanacca, što i biez bekhraŭndu možna navučycca dobra tancavać.
Mužčynam škoła «TUMBAO» daje dobryja źnižki i pryhožych partniorak, a dziaŭčatam — cikavych i vielmi roznych partnioraŭ. U žniŭni i vieraśni škoła arhanizoŭvaje novy nabor. Hladzicie bolš infarmacyi tut.
«Pozovi svoich druziej — poihrajtie v miač»
Pakolki moładź u nas raznamasnaja, my padabrali i ŭniviersalny varyjant — park aktyŭnaha adpačynku 0,67. Tut znojdzie sabie zaniatak pa dušy i prosta amatary pajeści šašłykoŭ, i bolš aktyŭnyja ludzi. Zona adpačynku ŭ parku absalutna biaspłatnaja, a ŭ altancy z manhałami moža siadzieć da poźniaha viečara. Kali zachočacie hulać usiu noč da ranicy, jak śpiavaŭ Coj, to nichto vam nie pieraškodzić: čas nie abmiežavany. U parku jość piejntboł, łaziertah, strajkboł, vieraŭčany park, cir, arčery-tah, skałodromy, aktyŭnyja kvesty.
Adkryty piersanał adkaža na ŭsie vašy pytańni, kali vy ŭdzielničajecie ŭ hetych aktyŭnaściach ŭpieršyniu. A jašče tut jość dymavyja šaški, «hranata» z farbaj i kalarovyja dymy, tak što hulnia atrymajecca maksimalna jarkaj i realistyčnaj. Fiška parku — bampierboł. Heta absalutnaja navinka ŭ siehmiencie zabaŭ. Raskazvajem, što hałoŭnaje. Členy kamandy apranajuć na siabie śpiecyjalnyja nadzimanyja šary i hulajuć u futboł. Adroźnieńnie ad futboła ŭ tym, što tut pchacca nie zabaraniajecca, a vitajecca. Ciapier ujavicie 10 niedarečnych šaroŭ, jakija biehajuć pa poli, sprabujuć zabić miač, ale pry hetym uvieś čas adzin adnaho šturchajuć, katajucca pa travie i padajuć. Vidovišča nadzvyčajnaje i dla Biełarusi, ščyra skažam, aryhinalnaje.
A jašče jość kampramisny varyjant — heta spartovyja kvesty. Jany ŭjaŭlajuć saboj kompleks: pałasa pieraškod, vieraŭčany horad, skaładrom, padjom na piramidu, vialikaja dženha, tralejny spusk, a-stepier, pieraprava na łodcy, cir i inšaje.
Dla bolš kansiervatyŭnych naviedvalnikaŭ jość placoŭki dla valejboła i fryśbi. A jašče jość šmat bonusaŭ: źnižka 10% dla studentaŭ, biaspłatnaja hulnia dla arhanizataraŭ i bonusy dla imianińnikaŭ. Možna ŭziać u prakacie ekšn-kamieru, a pa vychadnych biaspłatna pracuje fatohraf. Šukajcie park na sajcie 067.by abo ŭ sacsietkach «Ukantakcie», Instagram, Facebook.
Kali na stale nie tolki piva
Paśla taho, jak patančyli i pastralali ŭ siabroŭ farbami, možacie pravieści čas i bolš spakojna. Redakcyja «Našaj Nivy», naprykład, schadziła ŭ kramu nastolnych hulniaŭ, i ŭsie my zrazumieli, čym budziem zajmacca na hetych vychadnych.
Nastolnyja hulni, abo nastołki, jak ich nazyvajuć, zaraz nabrali vielizarnuju papularnaść za košt svajoj raznastajnaści. Heta ciapier nie tolki zabaŭka, ale i navučańnie, psichałahičny analiz i raźvićcio tvorčych zdolnaściaŭ. Naprykład, amataram dedukcyi budzie cikava pahulać u «Kodavyja imiony». Heta najlepšaja ŭ śviecie nastolnaja hulnia dla viečarynak, jana za karotki čas atrymała ŭsie mahčymyja i niemahčymyja ŭznaharody, u tym liku «Hulniu hoda» ŭ Hiermanii — anałah Oskara ŭ śviecie nastolnych hulniaŭ. Hulnia pabudavana na asacyjacyjach i kamandnaj pracy. Jość viersija sa słovami, a jość i z malunačkami.
Abo voś «Mančkin» — u 2001 hodzie pieramožca amierykanskaj premii Origins Awards u naminacyi «Najlepšaja kartačnaja hulnia». Heta rolevaja hulnia pa formie, parodyja pa źmieście. Hałoŭnaja meta — dasiahnuć 10 ŭzroŭniu. Ale heta tak ža składana, jak zabić hoł u bampierbole. Tolki tut nie nadzimanyja šary pieraškadžajuć, a roznyja monstry i inšaja niečyść. Uvohule, hulnia cikavaja, zabłytanaja i padychodzić dla kampanii.
Jašče adna vielmi cikavaja hulnia — «Cytadel». Vaša zadača — pabudavać samuju lepšuju Cytadel. Viadoma, tut jość miesca intryham i niepažadanyja piersanažy. Prosta jak u žyćci, praŭda? U hulni vialiki vybar stratehij, piersanažaŭ sa svaimi zdolnaściami i navat kart kvartałaŭ.
Naša redakcyja ŭsie hulni nie paśpieła pasprabavać, ale ŭ vas jość usie šancy. Prychodźcie ŭ nastolki.by, tam vam padbiaruć hulni na vaš hust. Jakija chočacie: prostyja, składanyja, karotkija, doŭhija, zabaŭlalnyja, zachaplalnyja, ekanamičnyja, psichałahičnyja, dla raźvićcia, dla zabaŭki, dla dziaciej, dla darosłych, dla pary, dla kampanii. Na kožnuju treciuju nabytuju hulniu pradastaŭlajecca źnižka 10%. A jašče ŭ ich možna zamović dastaŭku. Bolš infarmacyi tut.
Sa štodzionnaj ruciny ŭ inšuju realnaść
Nu što ž, paśla spakojnaha adpačynku možna znoŭ zaniacca čym-niebudź aktyŭnym. Naprykład, prajści kvest. Dla tych, chto nie viedaje: pry prachodžańni kvestaŭ hulcy čaściej za ŭsio pracujuć u kamandzie, rašajuć łahičnyja zadačy, prajaŭlajuć spryt.
Čas kvesta zvyčajna abmiežavany. Kali, naprykład, vy prachodzicie kvest pra łohava mańjaka i vašyja 60 chvilin skončylisia, to prabačcie, ale heta vaš apošni kvest. Dobra, žartujem, ničoha strašnaha nie adbudziecca, tamu što na samaj spravie arhanizatary turbujucca ab vašaj biaśpiecy Takim čynam, byvajuć jany roznych vidaŭ: haradskija, žyvyja i kvestrumy. Apošnija — samyja raspaŭsiudžanyja. Kvestrum — heta hulnia ŭ realnaści, hałoŭnaja meta jakoj — vybracca z pakoja, vykonvajučy tematyčnyja zadańni. Čaściej za ŭsio źjaŭlajucca kvestrumy pa filmach, tematyki vielmi raznastajnyja.
Kamanda Extrareality prajšli ŭžo kala sotni kvestaŭ i sapraŭdy ŭ hetym raźbirajecca. U Biełarusi isnuje vialikaja kolkaść kvestaŭ (u Minsku ich kala 70, a pa ŭsioj Biełarusi — bolš za 100 kvestrumaŭ), i jość partał, na jakim jany ŭsie sabrany — extrareality.by. Heta taki katałoh, jaki źbiraje ŭ siabie ŭsie kvesty Biełarusi. Płatforma stvarałasia pa pryncypie rasijskaha sajta «Kinapošuk». Ludzi mohuć vybrać hulniu, pastavić acenku ci pakinuć vodhuk. Na samaj spravie, akramia taho, što heta vydatny vid adpačynku, heta jašče i dobry mietad tymbiłdynhu. Šmatlikija kampanii pa ŭsim śviecie vybirajuć takuju zabaŭku dla siabie. Pahadziciesia, što heta kudy bolš intelektualna, čym tradycyjny karparatyŭ (pyšnyja zastolli ŭžo nie ŭ modzie). Pasprabujcie razam vybracca z pakoja, rašajučy hałavałomki. U niekatorych kvestach ŭdzielničajuć akciory. Kali vy prychodzicie vialikaj kampanijaj, to možna padzialicca na kamandy ŭ zaležnaści ad pieravah. A jašče, jak praviła, ludziam vielmi cikava nazirać za tym, jak ich kalehi prachodziać kvesty. Asabliva kali kvesty žudasnyja i ŭdzielniki viskočuć ad strachu. Takija fietyšy taksama byvajuć.
U Extrareality jość rejtynh kvestaŭ z padrabiaznym apisańniem. A jašče na sajcie asobna sabrany kvesty z akcyjami i śnižkami. Časta byvajuć źnižki studentaŭ i imianińnikaŭ. Kali chočacie zrabić kłasny padarunak, to možacie kupić padarunkavy siertyfikat.
Noč. Vulica. Lichtar. Najdzionaŭ
Dla amataraŭ hurta Hurma — asobnaja prapanova. 14 žniŭnia projdzie pieršy litaraturny viečar «Vieršy By Kava». Budzie vystupać paet, muzyka i salist hurta Hurma Mikita Najdzionaŭ. Prychodźcie a 19:00 na pr. Mašerava, 18. Dziaŭčaty, śpiašajciesia, kolkaść miescaŭ abmiežavanaja.
