Klimatołahi: 2016 staŭ samym haračym za 137 hadoŭ nazirańniaŭ
Akramia taho, navukoŭcy zafiksavali rekordna vysoki ŭzrovień padjomu suśvietnaha akijana, piša TASS.
Minuły hod staŭ samym haračym za 137 hadoŭ nazirańniaŭ, što vyklikana doŭhaterminovym hłabalnym paciapleńniem klimatu. Takija źviestki ŭtrymlivajucca ŭ dakładzie Nacyjanalnaha ŭpraŭleńnia pa daśledavańni akijanaŭ i atmaśfiery ZŠA, apublikavanym u čaćvier.
U padrychtoŭcy štohadovaha dakładu pad nazvaj «Stan klimatu» ŭdzielničali 450 navukoŭcaŭ z 60 krain. Zhodna z vykładzienymi ŭ im dadzienymi, kancentracyja parnikovych hazaŭ u atmaśfiery była letaś na samaj vysokaj adznacy za 58 hadoŭ (402,9 malekuł dyjaksidu vuhlarodu na miljon).
Tempieratura na pavierchni ziamli vyrasła za hod na 0,45 - 0,56 hradusa ŭ paraŭnańni ź siarednim pakaźnikam za apošnija 30 hadoŭ. Akramia taho, zafiksavany rekordna vysoki ŭzrovień suśvietnaha akijana, jaki padniaŭsia na 82 mm u paraŭnańni z 1993 hodam, kali ŭpieršyniu byli zroblenyja adpaviednyja daśledavańni.