Rasiejca, jaki pieravioz u Biełaruś paŭkili hašyšu, pasadzili na 14 hadoŭ
Sud Frunzienskaha rajona Minska vynies prysud pa kryminalnaj spravie ŭ dačynieńni da hramadzianina Rasijskaj Fiederacyi za niezakonny abarot narkatyčnych srodkaŭ, paviedamili BiełTA ŭ pres-słužbie Viarchoŭnaha suda.
Rasiejec pryznany vinavatym pa č.3 st.328-1 i č.4 art.328 KK. Havorka idzie ab niezakonnym pieramiaščeńni praź dziaržmiažu Biełarusi narkatyčnych srodkaŭ, a taksama ab niezakonnych z metaj zbytu nabyćci, pieravozcy i zachoŭvańni niebiaśpiečnych narkatyčnych srodkaŭ u bujnym pamiery, učynienych arhanizavanaj hrupaj.
Prysud u zakonnuju siłu nie ŭstupiŭ i moža być abskardžany i apratestavany va ŭstanoŭlenym zakonam paradku. Hramadzianina RF pa padazreńni ŭ zbycie narkotykaŭ zatrymali supracoŭniki narkakantrolu Frunzienskaha RUUS. Jaho ŭziali z dokazami złačynstva 18 studzienia na praśpiekcie Puškina ŭ Minsku. Pry im vyjaŭlena i kanfiskavana kala 468 h hašyšu.