Zvolnieny inžynier Google padaść na kampaniju ŭ sud
Čytajcie: Google zvolniŭ supracoŭnika, jaki vykazaŭ mierkavańnie, što žančyny ad pryrody mienš zdolnyja da prahramavańnia i lidarstva
Kampanija Google zvolniła supracoŭnika, jaki napisaŭ kiraŭnictvu skandalnuju słužbovuju zapisku ab hiendernym składzie kampanii, jakaja na vychodnych šyroka razyšłasia pa sacsietkach i vyklikała chvalu abureńnia.
I voś, vydańnie wired.com paviedamlaje, što prahramist i jahony advakat majuć namier padać u sud na Google.
Jašče da zvalnieńnia Džejms Dejmar aformiŭ skarhu, dasłaŭšy jaje dziaržaŭnamu rehulataru. U joj jon zhadaŭ dyskryminacyjnyja dziejańni ŭ dačynieńni da supracoŭnikaŭ, u tym liku siabie.
Advakat Dejmara prapanuje razhladać zvalnieńnie jak pomstu z boku Google. U hetym vypadku kampaniju možna abvinavacić u parušeńni zakona ab pracaŭładkavańni. U Google ab skarzie daviedalisia ŭžo paśla zvalnieńnia Dejmara, tamu prahramist moža ŭsio ž apynucca pa-za spravami. Taksama jamu budzie składana dakazać svaju pravatu, kali raniej jon atrymlivaŭ aficyjnyja papiaredžańni ab parušeńni norm pavodzinaŭ u Google.
Miž tym paviedamlajecca, što zakony štata Kalifornija dazvalajuć zvalniać supracoŭnikaŭ praktyčna ź luboj nahody. Tamu ahienctva Rojterz aceńvaje šancy Dejmara nievysoka.