Samsung prezientavaŭ udaratryvałuju viersiju fłahmanskaha smartfona Galaxy S8

Jak i čakałasia, pryłada atrymała ŭdaratryvały korpus ź mietaličnaj ramkaj pa krajach, zdolny vytrymlivać padzieńni z vyšyni da 1,5 mietraŭ. Pa śćviardžeńni vytvorcy, nadziejnaść smartfona adpaviadaje vajennamu standartu MIL-STD-810G. Akramia taho, aparat maje abaronu ad vilhaci i pyłu na ŭzroŭni IP68.

Vyhnuty OLED-dysplej, jaki staŭ firmovaj rysaj liniejki S8, byŭ zamienieny na zvyčajny 5,8-calevy Super AMOLED-ekran z razroźnieńniem Quad HD+ (2960 x 1440 piksielaŭ) i achoŭnym škłom Corning Gorilla Glass.

Unutry smartfona — topavy čyp Snapdragon 835 z 4 Hb apieratyŭnaj i 64 Hb ubudavanaj pamiaci, akumulatar jomistaściu 4000 mAh. A taksama dźvie dobryja kamiery: asnoŭnaja na 12 miehapiksielaŭ i frantalnaja na 8 miehapiksielaŭ.

Košt udaratryvałaha fłahmana pa pieradzamovie pačynajecca ad 850 dalaraŭ. 

Ilja Paraskievič

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0