Navukoŭcy prapanujuć utylizoŭvać niedakurki, zakatvajučy ich u asfalt
Aŭstralijskija navukoŭcy prapanujuć utylizoŭvać cyharetnyja byčki, dadajučy ich u asfalt, što nie tolki dazvolić pazbavicca ad taksičnych filtraŭ vypalenych cyharetaŭ, ale i palepšyć ułaścivaści darožnaha pakryćcia, havorycca ŭ artykule, apublikavanym u časopisie Construction and Building Materials.
«Ja ŭžo šmat hadoŭ sprabuju znajści praktyčny i tanny mietad ačystki navakolnaha asiarodździa ad niedakurkaŭ. My pakryli cyharetnyja byčki parafinam i bitumam dla taho, kab taksiny nie mahli ich pakinuć užo paśla trapleńnia ŭ asfalt. My pakazali, što možna stvaryć novy materyjał ź cikavymi ŭłaścivaściami i adnačasova vyrašyć prablemu ačystki navakolnaha asiarodździa ad niebiaśpiečnaha śmiećcia», — raspaviadaje Abas Machadžarani z univiersiteta RMIT u Mielburnie (Aŭstralija).
Užo siońnia mnohija marki asfaltu i bietonu vyrablajucca z vykarystańniem kroški z adpracavanych aŭtamabilnych šyn abo płastykavaha śmiećcia, a cehła i inšyja materyjały dla budaŭnictva vyrablajucca z roznaj škłatary i budaŭničych adkidaŭ.
Cyharetnyja filtry raskładajucca dosyć pavolna — u niekatorych umovach ich raspad moža zaniać da piaci hadoŭ, što zmušaje navukoŭcaŭ šukać šlachi ich ŭtylizacyi. Zrabić heta nie tak prosta, bo porysty charaktar hetych filtraŭ dazvalaje taksičnym rečyvam, zaklučanym unutry ich, lohka pakinuć ich miežy razam z vadoj i inšymi vadkaściami.
Ekśpierymientujučy ź niedakurkami, Machadžarani i jaho kalehi pryjšli da vysnovy, što ich možna lahčej za ŭsio ŭtylizavać, u pramym sensie zakatvajučy pad asfalt u jakaści adnaho z hałoŭnych kampanientaŭ.
Jak pakazali ekśpierymienty na padobnym asfalcie, jon vałodaŭ mienšaj ščylnaściu, čym zvyčajny, ale pry hetym byŭ takim ža stabilnym i stojkim da dziejańnia roznych razburalnych faktaraŭ, takich jak vysoki cisk ci vibracyi. Dadajučy abo pamianšajučy kolkaść niedakurkaŭ u asfalcie, možna hnutka źmianiać jaho ŭłaścivaści i prystasoŭvać dla pracy ŭ roznych umovach.
