U Viciebsku chłopiec na skutary ŭrezaŭsia ŭ słup na mohiłkach FOTAFAKT
6 žniŭnia ŭ Viciebsku ŭ ciažkim stanie ŭ balnicu dastaŭleny 29-hadovy kiroŭca skutara, jaki trapiŭ u DTZ la Staraŭłanaŭskich mohiłak, pišuć Narodnyja naviny Viciebska.
U 17:10 pa telefonie 102 žychary 2-ha Łahiernaha zavułka paviedamili DAI, što ŭ ich rajonie jeździć pjany mužčyna, jaki ŭvieś čas padaje sa skutara. Ekipaž DAI, što prybyŭ na miesca zdareńnia, ubačyŭ, jak skutaryst zajechaŭ na Staraŭłanaŭskija mohiłki, a zatym, pry vyjeździe z druhoha boku, urezaŭsia ŭ lichtarniu za 5—7 mietraŭ ad aharodžy.
Inśpiektary DAI vyklikali na miesca darožna-transpartnaha zdareńnia chutkuju dapamohu, i paciarpiełaha mužčynu advieźli ŭ balnicu. Za jaho žyćcio zaraz zmahajucca miedyki. Taksama, dla vyznačeńnia jaho fizičnaha stanu, u kiroŭcy skutara ŭziali analizy. Pa fakcie DTZ pravodzicca pravierka.