Saakašvili prybyŭ u Polšču
Były prezident Hruzii, eks-hubiernatar Adeskaj vobłaści Michaił Saakašvili prybyŭ u stalicu Polščy Varšavu, niahledziačy na toje, što jaho pazbavili ŭkrainskaha hramadzianstva, paviedamlajuć infarmahienctvy sa spasyłkaj na Telewizja Republika.
Palityk doŭhi čas znachodziŭsia ŭ ZŠA, dzie i daviedaŭsia pra toje, što ŭłady Ukrainy pazbavili jaho hramadzianstva. Nieviadoma, pa jakich dakumientach jon zajechaŭ u Polšču, bo Saakašvili nie maje ni hruzinskaha, ni ŭkrainskaha hramadzianstva.
Saakašvili vystupiŭ na mierapryjemstvie, pryśviečanym hadavinie Varšaŭskaha paŭstańnia. Razam ź im u cyrymonii ŭdzielničała deputatka ad kansiervatyŭnaj partyi «Prava i spraviadlivaść» Małhažata Hasieŭska.
Svaju pramovu palityk vioŭ na anhlijskaj movie, pierakładčyca ažyćciaŭlała pierakład na polskuju movu. U vystupie jon zhadaŭ situacyju ŭ Hruzii ŭ 2008 hodzie i dapamohu Polščy jak Ukrainie, tak i Hruzii.
U pamiežnaj słužbie Polščy admovilisia kamientavać, na padstavie jakoha dakumienta Saakašvili zajechaŭ na terytoryju krainy.
«Zhodna z… zakonam ab pamiežnaj słužbie, dadzienyja ŭ śfiery pahraničnaha kantrolu mohuć być pradastaŭlenyja tolki adpaviednym dziaržaŭnym orhanam», — zajaviła pradstaŭnik słužby Ahnieška Holas.
