U Italii rekordnaja śpiakota — 50 hradusaŭ
U Italiju pryjšła rekordnaja śpiakota. Na vostravie Sardzinija była zafiksavanaja tempieratura ŭ 50 hradusaŭ pa Celsii, paviedamlajuć infarmahienctvy.
Taksama paviedamlajecca, što ŭ Nieapali słupok termomietra pakazaŭ 49 hradusaŭ sa znakam plus, u Fierary i kurortnym Rymini — 48 hradusaŭ.
Čyrvony ŭzrovień niebiaśpieki ŭ suviazi sa śpiakotaj abvieščany ŭ 26 haradach Apienin, u tym liku ŭ Rymie, Miłanie, Fłarencyi, Bary, Bałońji. Pavodle prahnozaŭ sinoptykaŭ, afrykanskaja śpioka budzie zachoŭvacca na praciahu tydnia.
Leta 2017 hoda ŭžo nazvana ŭ Italii adnym z samych haračych za ŭsiu historyju mieteanazirańniaŭ. Mnohija harady sutyknulisia z prablemaj zasuchi, a taksama ź niedachopam presnaj vady. Uzrovień vadajomaŭ apuściŭsia da minimalnych pakazčykaŭ. Značnyja straty niasie sielskahaspadarčy siektar Italii. Jašče adnym śledstvam haračaha nadvorja stali lasnyja pažary.
