Viartlavaja kuhukaŭka, baradataja čarotaŭka, kandydat pałatačny
Zajava Jarmošynaj ab tym, što pryčyny skaračeńnia kolkaści kandydataŭ ŭ Pałatku «naturalnyja», dazvalajuć razhladać ich katehoryju jak asablivy, padvid faŭny, jakomu terminova treba abarona. Feljeton z błohu Lolika Uškina.
Zajava Jarmošynaj ab tym, što pryčyny skaračeńnia kolkaści kandydataŭ ŭ Pałatku «naturalnyja», dazvalajuć razhladać ich katehoryju jak asablivy, padvid faŭny, jakomu terminova treba abarona.
Karła Marksa, 38
Čynoŭnik z Kobryni: Dobry dzień. Ja pa nastupnaj spravie: u nas adzin supracoŭnik na pradpryjemstvie źbirajecca balatavacca ŭ pałatu pradstaŭnikoŭ… Voś chacieŭ by atrymać licenziju na toje, kab nie puścić jaho ŭ kandydaty. Razryvam kantraktu jaho papałochać, kali paśmieje vysunucca.
Čynoŭnik z Administracyi: Afihieć! Specyjalna dla Vas cytuju Čyrvonuju knihu (biare knihu i čytaje): «Kandydat pałatačny. Vodzicca na vybarčych učastkach. U krainie naličvajecca prykładna 350 asobin. Z?za katastrafičnaha skaračeńnia papulacyi, vyklikanaha naturalnymi pryčynami, znachodzicca na ŭliku Centralnaha Vybarčaha Kamitetu pra Minekalohii. Zdymać kandydataŭ dazvalajecca tolki z dazvołu uładaŭ». Kropka. (začyniaje knihu). I što ž heta vychodzić? Kandydataŭ u krainie zastałosia mienš, čym viartlavych čarotavak, a Vy kandydacki maładniak źniščajecie! Vy ž bačyli reklamny rolik: «Čornaja čapla, čortava žaba, kandydat ŭ Pałatu… Jany musiać žyć!».
Čynoŭnik z Kobryni: Pačakajcie, a jak ža pitomnik kandydataŭ pry liberalna? demakratyčnaj partyi?
Čynoŭnik z Administracyi: Tam niejki mor, ci što. U hetym sezonie tolki siem hadavancaŭ i tyja takija kvołyja.
Čynoŭnik z Kobryni: A za miažoj kandydataŭ nabyvać nia dumajecie?
Čynoŭnik z Administracyi: A sens? Vy ž čytali, što kiraŭnik CVK kaža: deficyt vyklikany naturalnymi pryčynami! Što my možam zrabić suprać hlabalnaha paciapleńnia, vybuchaŭ na Soncy abo zruchu tektaničnych plitaŭ? Vymirajuć, padły.
Čynoŭnik z Kobryni: Što ž rabić? Što ž rabić? Jon ža jak kandydatam stanie, vialikaj škody ŭ horadzie narobić.
Čynoŭnik z Administracyi: Vo z hetaha i treba było pačynać. Jaki kankretna ŭron vaš kandydat u perspektyvie moža nanieści horadu i rajonu: pačnie hryźci drevy, kraści chatnich i kałhasnych žyvioł, kusać prachožych, vyć na Miesiac, zaminajučy hramadzianam adpačyvać paśla pracoŭnaha dnia.
Čynoŭnik z Kobryni: Dyk ad jaho ž ulotak stolki śmiećcia budzie ŭ paštovych skryniach! I potym, jon kandydata ad vertykali vielmi spužaje. A jon u nas taki ručny! I potym heta ž jaho areał abitańnia.
Čynoŭnik z Administracyi: M?da. Tut vypadak vyklučny. Heta možna razhladać u kantekście pracesu evalucyi. U takim vypadku my, ekolahi i selekcyjanery, naturalna zacikaŭlenyja ŭ tym, kab vyžyŭ toj kandydat, jaki ŭžo adaptavaŭsia da ŭmoŭ miascovaści. Davajcie tak: ja vašu zajavu na licenziju padpišu. Adnak Vy za heta ŭ svaju čarhu pavinny stvaryć na vašym pradpryjemstvie pry BRSM abo prafsajuzach sekcyju junych naturalistaŭ i da nastupnych vybaraŭ vyhadvvać dvuch paŭnacennych pałatačnych kandydataŭ.
Čynoŭnik z Kobryni: Tak, abaviazkova! Dziakuj Vam! (sychodzić)
Čynoŭnik z Administracyi (uśled): Tolki nie karmicie ich bajkami pra toje, što ŭ nas česnyja vybary. Inakš adzičejuć jak toj Skrabiec. Hadavali, hadavali, a ŭ vyniku… Vam što, a ŭ mianie, ekolaha i selekcyjanera, dahetul duša balić.
