U Mahilovie bolš nie budzie imšy pa-rasiejsku
U kastryčniku letaś u mahiloŭskim kaściole Uniebaŭziaćcia Najśviaciejšaj Panny Maryi i sv. Stanisłava pačali niečakany ekśpierymient — adnu ź niadzielnych słužbaŭ pieraviali na ruskuju movu. Imša prachodziła a 17:00. Taki ekśpierymient tłumačyli prośbaj viernikaŭ rasiejskaha pachodžańnia.
U bolšaści kaściołaŭ Biełarusi słužba viadziecca pa-biełarusku ci pa-polsku. Ruskaja mova ŭ kaściole — heta navinka.
U hetuju niadzielu, 23 lipienia, imšy pa-rasiejsku ŭ kaściole ŭžo nie adpraŭlali. U čym pryčyna hetaha? My spytalisia ŭ probašča kaścioła ksiandza Vitala Drazdoŭskaha.
«U nas za rasiejskamoŭnuju imšu adkazvaŭ taki ksiondz Vadzim, ciapier jaho pieraviali na Hrodzienščynu, — raskazvaje ajciec Vital. — U mianie vychodzić nakładka, bo a 15 hadzinie jašče treba ŭ Białyničy».
Ci možna ličyć ekśpierymient z rasiejskaj movaj udałaj? «Ludzi trochu prychodzili, a nie skazać, kab šmat. Moža, čałaviek 10-15 štoraz było. Nie skazać, što heta pavysiła kolkaść prychadžan», — padsumoŭvaje ksiondz Vital Drazdoŭski.