Adnaho z najlepšych rasijskich chakieistaŭ dyskvalifikavali na dva hady za dopinh
Napadajučy chakiejnaha kłuba «Ak Barsa» Danis Zarypaŭ adchileny na dva hady ad udziełu ŭ spabornictvach z-za prymianieńnia dopinhu.
U pres-słužbie Kantynientalnaj chakiejnaj lihi adznačajuć, što na adnym z dopinh-kantrolaŭ u zavieršanym siezonie ŭ analizach Zarypava byli vyjaŭlenyja rečyvy, jakija adnosiacca da kłasa stymulataraŭ i dyuretykaŭ i maskiravalnych ahientaŭ.
Akramia Zarypava, na dopinhu papalisia abaronca «Admirała» Andrej Konieŭ i abaronca «Miedvieščaka» Derek Śmit. Śmit adchileny da vieraśnia 2018 hoda, Konieŭ - da kastryčnika 2017-ha.
Dopinh-kantrol u čempijanacie KCHŁ siezona-2016/2017 pravodziŭsia sumiesna ź Mižnarodnaj fiederacyjaj chakieja (IIHF) i WADA, z pryciahnieńniem antydopinhavaha padraździaleńnia kanvientu SportAccord - DFSU (Doping Free Sport Unit), niekalkich mižnarodnych ahienctvaŭ pa zbory dopinh-probaŭ i antydopinhavych łabaratoryj, akredytavanych WADA.
36-hadovy Danis Zarypaŭ źjaŭlajecca adnym z najbolš tytułavanych i dziejsnych rasijskich chakieistaŭ, jakija vystupajuć u KCHŁ. Jon pravioŭ u čempijanacie bolš za 600 matčaŭ i nabraŭ 565 ačkoŭ. Zarypaŭ nieadnarazova pryciahvaŭsia ŭ zbornuju Rasii.
