Prajekt: recepty na linzy buduć vydavacca na hod
Kantaktnyja linzy nieŭzabavie možna budzie kuplać tolki pa recepcie doktara, jaki budzie dziejničać na praciahu hoda, paviedamili ŭ RUP «Centr ekśpiertyz i vyprabavańniaŭ u achovie zdaroŭja».
Ministerstva achovy zdaroŭja rychtujecca vynieści na hramadskaje abmierkavańnie pytańnie ab abmiežavańni prodažu kantaktnych linzaŭ biez receptu lekara.
«Kantaktnyja linzy (miakkija, žorstkija, kalarovyja, z dyjaptryjnaściu i biez) źjaŭlajucca miedycynskimi vyrabami i patrabujuć abaviazkovaj kansultacyi śpiecyjalista — doktara-aftalmołaha, a taksama dakładnaha vykanańnia pakazańniaŭ da naznačeńnia i praviłaŭ padboru z ulikam indyvidualnych asablivaściaŭ, charaktarystyk refrakcyi i supraćpakazańniaŭ», — paviedamili Sputnik u Centry ekśpiertyz i vyprabavańniaŭ u achovie zdaroŭja.
Jak padkreśliŭ surazmoŭca, našeńnie linzaŭ biez dyjoptryj niasie dadatkovuju ryzyku, bo pacyjent nie znajomy z praviłami apracoŭki, našeńnia i zachoŭvańnia linzaŭ.
«Dla nabyćcia kantaktnych linzaŭ nieabchodny ahlad doktara-aftalmołaha raz na hod. Recept na kantaktnyja linzy, taksama jak i na akulary karyhirujučyja, dziejničaje adzin hod. Takim čynam, pa hetym recepcie pacyjent moža nabyvać kantaktnyja linzy na praciahu hoda», — adznačyli ŭ RUP «Centr ekśpiertyz i vyprabavańniaŭ u achovie zdaroŭja».
Recepturny prodaž kantaktnych linzaŭ, zapeŭniŭ surazmoŭca ahienctva, nie ŭskładnić praces kupli linzaŭ dla biełarusaŭ.