Kreml sfarmulavaŭ svaju pazicyju pa Małarosii
Abviaščeńnie kiraŭnika samaabvieščanaj DNR Alaksandra Zacharčanki ab stvareńni Małarosii źjaŭlajecca jaho asabistaj inicyjatyvaj. Pra heta zajaviŭ pres-sakratar prezidenta Dźmitryj Piaskoŭ.
Pa słovach Piaskova, rasijskija ŭłady «pra heta daviedalisia siońnia ranicaj sa ŚMI». «My zastajemsia prychilnymi minskim damoŭlenaściam», — padkreśliŭ pradstaŭnik Kramla.
Raniej u aŭtorak Zacharčanka abviaściŭ ab stvareńni Małarosii. Jon raspavioŭ, što jaje stalica budzie znachodzicca ŭ Daniecku. U samaabvieščanaj respublicy prapanavali vybrać pradstaŭnikoŭ ad usich rehijonaŭ Ukrainy ŭ Kanstytucyjny schod, na jakim budzie zasnavana Małarosija i pryniataja kanstytucyja novaj krainy.
Prezident Ukrainy Piatro Parašenka ŭ adkaz na zajavu ab stvareńni Małarosii znoŭ paabiacaŭ, što suvierenitet nad Danbasam i Krymam budzie adnoŭleny.
Paźniej RBK sa spasyłkaj na krynicu paviedamiŭ, što ideja ab stvareńni Małarosii ad Zacharčanki stała niečakanaściu dla pamočnika prezidenta Rasii Uładzisłava Surkova, jaki kuryruje ŭkrainskija pytańni.
Raniej u aŭtorak, 18 lipienia, Piaskoŭ admoviŭsia kamientavać ideju stvareńnia Małarosii. «Ja pakul pakidaju biez kamientaroŭ hetuju temu, jana padlahaje asensavańniu i analizu. Rasijski bok zachoŭvaje prychilnaść minskim damoŭlenaściam, usio astatniaje pakul nie kamientujem», - padkreśliŭ pres-sakratar.