U Hrodnie sa straŭnika 15-hadovaj dziaŭčynki dastali ihołku
Dziaŭčynka vypadkova prahłynuła ihołku, jakuju padčas šyćcia trymała ŭ zubach. Pacyjentcy zrabili renthien i ŭbačyli ihołku, paviedamlaje «Miedviestnik».
Ilustracyjnaje fota.
Endaskapičnaje daśledavańnie pakazała, što ihołka ŭkliniłasia papiarok praśvietu ścienki kišačnika. U miescy prakołu išła kroŭ.
Paśla taho jak daktary vyśvietlili, dzie dakładna znachodzicca ihołka, jany zmahli vyvieści jaje z «klinu» z dapamohaj bijapsijnych abcuhoŭ, nie paškodziŭšy ścienku kišačnika. Zatym ihołku akuratna zachapili abcuhami za kraj vuška i vyniali sa straŭnikava-kišačnaha traktu. Paśla hetych miedycynskich manipulacyj bol u dziaŭčynki prajšoŭ, a praz sutki školnicu vypisali dadomu.
Daktary adznačajuć, što takich pacyjentaŭ u balnicu dastaŭlajuć vielmi redka — za apošnija piać hadoŭ heta čaćviorty vypadak.