Biełaruska Aryna Sabalenka vyjšła ŭ druhi raŭnd Uimbłdona
Biełaruskaja tenisistka Aryna Sabalenka (136-y numar suśvietnaha rejtynhu) vyjšła ŭ druhi raŭnd Uimbłdonskaha turniru, paviedamlaje karespandent BiełTA.
Siońnia ŭ svaim startavym pajadynku Sabalenka sustrakałasia z rasijskaj tenisistkaj Irynaj Chromačavaj (110) i ŭpeŭniena vyjhrała pieršy set - 6:3. Druhaja partyja prajšła ŭ bolš ŭpartaj baraćbie i znoŭ zaviaršyłasia na karyść biełaruski - 6:4. Sustreča praciahvałasia 1 h 11 chv.
Nastupnaj supiernicaj Aryny Sabalenka budzie pieramožca matča pamiž charvatkaj Miranaj Łučyč-Baroni (28) i niemkaj Karynaj Vitchieft (65).
Paźniej na korty Usieanhlijskaha łaŭn-tenisnaha kłuba vyjduć jašče dźvie biełaruski. Alaksandra Sasnovič (89) maje sustrecca z 13-j rakietkaj płaniety Alenaj Astapienka z Łatvii. Viktoryja Azaranka (683) zhulaje z 18-hadovaj amierykanskaj tenisistkaj Ketryn Bielis (40).
Ahulny pryzavy fond Uimbłdona-2017 składaje 31,6 młn funtaŭ sterlinhaŭ. Pieramožcy ŭ adzinočnych razradach ŭ mužčyn i žančyn atrymajuć pa 2,2 młn funtaŭ sterlinhaŭ. Zavieršycca treci ŭ siezonie turnir sieryi Vialikaha šlema 16 lipienia.