Minzdaroŭja zacikaŭleny ŭ roście pryvatnych miedcentraŭ
Ministerstva achovy zdaroŭja zacikaŭlena ŭ roście kolkaści pryvatnych miedycynskich centraŭ, paviedamiŭ siońnia pieršy namieśnik ministra achovy zdaroŭja Dźmitryj Pinievič ŭ efiry telekanała «Staličnaje telebačańnie». Kažučy pra kankurencyju pryvatnych miedcentraŭ i dziaržaŭnych ustanoŭ achovy zdaroŭja, pieršy namieśnik ministra pahadziŭsia, što kankurencyja jość.
«My kankurujem na rynku ŭ dobrym sensie hetaha słova. Pryvatny siektar nie zaniaŭ i nie zojmie nišu ciažkaj miedycyny, ciažkazatratnaj miedycyny. Ale źniać hruz i dać miedycynskija pasłuhi ŭ bolš kamfortnych umovach jon moža, pavinien i navat abaviazany. My za toje, kab było pabudavana značna bolš pryvatnych centraŭ, čym ciapier», - padkreśliŭ jon.
Dźmitryj Pinievič adznačyŭ, što, naprykład, płanujecca spraščeńnie ŭ častcy licenzavańnia. «Ale nie ŭ ramkach jakaści akazańnia miedycynskich pasłuh, a ŭ ramkach mienš farmalizavanych umoŭ, dopusku śpiecyjalistaŭ. My pavinny tut jašče kročyć napierad», - rastłumačyŭ jon.