Źbirajucca hrošy na vydańnie knihi Alaksandra Hužałoŭskaha pra cenzuru ŭ BSSR
Źbirajucca hrošy na vydańnie knihi prafiesara BDU, doktara histaryčnych navuk Alaksandra Hužałoŭskaha «Čyrvony ałovak».
Jak zaznačajecca ŭ anatacyi, na padmurku vialikaha abjomu rassakrečanych archiŭnych dakumientaŭ, pieryjodyki, učasnych daśledavańniaŭ u knizie ŭpieršyniu pakazana historyja funkcyjanavańnia i źniknieńnia sistemy partyjna-dziaržaŭnaha infarmacyjnaha kantrolu ŭ BSSR u 1944—1991 hh.
Čytačy zazirnuć u «śviataja śviatych» savieckaj ideałohii — Hałoŭlit i Repiertkam BSSR, jakija doŭhija hady ažyćciaŭlali infarmacyjnuju i kulturnuju palityku kamunistyčnaj partyi, daviedajucca pra cenzurnyja losy litaraturnych i mastackich tvoraŭ, srodkaŭ masavaj infarmacyi i kulturnaj spadčyny Biełarusi.
«Hałoŭnymi achviarami dziejnaści cenzurnaj sistemy ŭ Savieckaj Biełarusi stali ludzi. Palityčnaja cenzura naniesła škodu hramadskaj śviadomaści, sfarmiravaŭšy ŭ žycharoŭ BSSR cenzurnuju mientalnaść (samacenzuru), jakaja vyklučała z pola zroku cełyja płasty nacyjanalnaj i suśvietnaj historyi i kultury. Spačatku prymusova, a potym užo ahresiŭna-dobraachvotna stvaralniki biełaruskaj savieckaj kultury i jaje spažyŭcy zbudavali ŭtapičnuju prastoru, zakrytuju ad navakolnaha śvietu i ad samich siabie. Znajomstva z historyjaj i miechanizmami funkcyjanavańnia savieckaj cenzury daje adzin z adkazaŭ na pytańnie: čamu my takija siońnia?», — piša A. Hužałoŭski.
Miarkujemy nakład — 500 asobnikaŭ, kolkaść staronak — 350. Patrebnaja suma — 3 000 rubloŭ. Na hety momant sabrana 29% ad sumy.
