Mer Salihorska źmieščany pad vartu
Staršynia Salihorskaha rajvykankama źmieščany pad vartu. Pra heta BiełTA paviedamiła aficyjny pradstaŭnik Śledčaha kamiteta Julija Hančarova.
U minuły aŭtorak, 30 maja, supracoŭnikami HUBAZiK MUS na aŭtamabilnaj darozie kala v. Kamień Kapylskaha rajona staršynia Salihorskaha rajvykankama Alaksandr Rymašeŭski byŭ zatrymany ŭ momant atrymańnia chabaru pamieram 2,7 tys. dalaraŭ. Pavodle dadzienych apieratyŭnikaŭ, staršynia Salihorskaha rajvykankama na praciahu doŭhaha času złoŭžyvaŭ uładaj i słužbovymi paŭnamoctvami pry vyrašeńni pytańniaŭ pa zakupie srodkaŭ achovy raślin, nasieńnia i zapasnych častak dla sielhastechniki ahrapramysłovych pradpryjemstvaŭ i arhanizacyj Salihorskaha rajona.
Pa dadzienym fakcie Śledčym kamitetam zaviedziena kryminalnaja sprava pa č. 3 art. 430 KK Respubliki Biełaruś («Atrymańnie chabaru»). Jaje sankcyja praduhledžvaje pazbaŭleńnie voli da 15 hadoŭ z kanfiskacyjaj majomaści.
