List čytača: aśviatleńnie vulic u vioscy adklučać nie majuć prava, jak my dabivajemsia ŭklučeńnia
Na pieršy pohlad, moža zdacca, što ja — «viečny skaržnik», jakomu ad niama čaho rabić tolki i spravy, jak skarhi pisać. Ale ja liču tak: zakon moža nie padabacca, ale navat kali ty zmahaješsia suprać jaho (zakona), vykonvać jaho pavinien, jak i ŭsie navokał — niahledziačy na ranhi. I mnie stanovicca ahidna i brydka, kali ja baču, jak usich dzielać na «ludziej» i «bydła» albo dazvalajuć volnaści z vykanańniem zakonaŭ «svaim nabližanym» — u takim vypadku ja kidajusia ŭ bojku, bo kali nie ja, to chto abaronić maju krainu ad hetych «carkoŭ». U mianie jość užo dośvied — dva hady mnie spatrebiłasia, kab Minski abłvykankam admianiŭ svajo ž niezakonnaje rašeńnie — jak čynoŭniki ni ŭpiralisia, ale ja zdoleŭ ich pamyłku.
Voś i tut —
z 1 krasavika 2017 hoda ŭ našym Ziembinie (jak potym vyśvietliłasia i ŭ vioskach pa ŭsim rajonie i navat vobłaści) adklučyli načnoje aśviatleńnie vulic. Zroblena heta było pa rašeńni sielskaha savieta deputataŭ (voś heta adzinstva dumak — pa usioj vobłaści deputaty razvažajuć absalutna adnolkava — ura! ura! ura!).
Na samaj spravie, chutčej za ŭsio, abłvykankam rasfufyryŭ vydzielenyja na aśviatleńnie vulic hrošy (kudy — sprava dziaržkantrolu i prakuratury) i, kab nie zachistalisia kresły pad piataj kropkaj «vialikich ludziej», vyrašyli paekanomić.
Nichto nie spračajecca — razumnaja ekanomija nie pieraškodzić nikoli, ale čamu chadzić navobmacak pavinny žychary vioski?
Kali ŭžo ekanomić, to tałakoju, usim razam. Zrazumieła, što całkam adklučyć aśviatleńnie vulic u Barysavie niemahčyma, ale na adnu noč na tydzień płoščy i praz adzin lichtar na niekatorych vulicach mahčyma i heta dało b našmat bolšy ekanamičny efiekt, a ŭ viaskovaj miascovaści śviatło na vulicach u budni možna ŭklučać, naprykład, tak — z 2200 da 2330 i z 0400 da śvitanku (kali dajarki i skotniki iduć na pracu), u vychadnyja śviatło patrebna ŭsiu noč — ludzi majuć prava chadzić u hości albo prosta hulać kali im chočacca, a nie tolki tady, kali dazvolać «dziadźki i ciotki» z vykankamaŭ — u krainie nadzvyčajnaj situacyi nichto pakul nie abviaščaŭ. I ŭvohule, kali ŭźnikła nieabchodnaść u padobnym rašeńni, čynoŭniki mahli b časova źniać samaŭskładzienyja karony i paraicca ź ludźmi — jak budzie lepiej. (Razumieju — fantastyka, ale tak i pavinna być, i ŭ hetym vypadku tak i chočacca zakryčać: «Nu, Alaksandr Ryhoravič, i dzie sacyjalnaja spraviadlivaść, nie zhadvajučy jakoj, vy nie razmaŭlajecie? Ci ŭ vas i vašych spraviadlivaść, a ŭ inšych tolki sacyjalnaja — u sensie «sacucha», jak kažuć — toje, što zastałosia, abjedki ad spraviadlivaści?», ale nie pačuje, na žal.)
A z hetaha momantu budzie cikava prasačyć za chranałohijaj padziej.
10 krasavika — moj elektronny zvarot u Barysaŭski rajvykankam z pytańniem, čamu ŭ ah.Ziembin adklučana źniešniaje aśviatleńnie i pieršaja zhadka pra parušeńnie rašeńniem sielsavieta Pastanovy Saŭmina RB «O mierach po vniedrieniju sistiemy hosudarstviennych socialnych standartov po obsłuživaniju nasielenija Riespubliki», dzie ŭkazana, što aśvietlenymi pavinny być nie mienš za 80% vulic i 60% daroh z udaskanalenym pakryćciom, a taksama punkta 7.4 Hihijeničnych patrabavańniaŭ da ŭtrymańnia terytoryj nasielenych punktaŭ i arhanizacyj, zaćvierdžanych Postanovaj Minzdrava RB ad 01.11.2011 h. №110 praz punkt 7.5.18 «…na piešiechodnych mostikach, avtostojankach, piešiechodnych allejach i dorohach, vnutrieńnich, słužiebno-choziajstviennych i požarnych projezdach, a takžie na ulicach i dorohach sielskich posielenij častičnoje ili połnoje otklučienije ośvieŝienija v nočnoje vriemia nie dopuskajetsia…».
20 krasavika — maja prysutnaść na pryjomie hramadzian, jaki pravodziŭsia ŭ ah.Ziembin pieršym namieśnikam staršyni Kamiteta dziaržaŭnaha kontrolu pa Minskaj vobłaści S.I.Sakałoŭskaj razam sa staršynioj Barysaŭskaha rajonnaha savieta deputataŭ P.V.Navickim, dzie znoŭ było padniata pytańnie ab vonkavym aśviatleńni.
05 maja — adkaz rajvykankama na elektronny zvarot: (cytuju) «…Po suŝiestvu Vašieho elektronnoho obraŝienija, postupivšieho na oficialnyj sajt Borisovskoho rajonnoho ispołnitielnoho komitieta, soobŝajem śledujuŝieje.
Vo ispołnienije Diriektivy Priezidienta Riespubliki Biełaruś № 3 ot 14 ijunia 2007 hoda «Ekonomija i bieriežlivosť — hłavnyje faktory ekonomičieskoj biezopasnosti hosudarstva» i rukovodstvujaś Zakonom Riespubliki Biełaruś ot 4 janvaria 2010 hoda № 108-Z «O miestnom upravlenii i samoupravlenii v Riespublikie Biełaruś», s cielju ekonomii enierhoriesursov, Ziembinskim sielskim ispołnitielnym komitietom 23 marta 2017 hoda było priniato riešienije № 30a ob otklučienii naružnoho ośvieŝienija v nasielennych punktach sielsovieta na pieriod s 1 apriela 2017 hoda po 31 avhusta 2017 hoda. No tak kak pri ekonomii elektroenierhii nie vypołniajutsia hosudarstviennyje socialnyje standarty, v ah. Ziembin i v d. Korsakoviči uličnoje ośvieŝienije budiet vklučieno s 1 maja 2017 hoda…» (kaniec cytaty). Cikava, što adkaz za 26 krasavika, padpisany staršynioj rajonnaha savieta deputataŭ i adpraŭleny mnie ŭ elektronnym vyhladzie — u hetym vypadku elektronnaja pošta jašče horš za zvyčajnuju: list išoŭ dzieviać dzion, tym bolš što na čas prychodu adkazu, zhodna ź im ža, u našym ahraharadku ŭžo čatyry dni haryć śviatło na vulicy. Jak dumki — śviecić ci nie? Aha, śviecić, ale tolki Miesiac, kali chmar niama! Nu, dumaju — moža, na Dzień Pieramohi adkłali.
10 maja — adkaz rajvykankama na maju skarhu pradstaŭnicy dziaržkantrolu. Słova ŭ słova, z tymi ž znakami prypynku pra padstavy rašeńnia sielsavieta, ale ŭžo biez abiacańniaŭ pra śviatło…
