Uzmocnienyja pravierki na miažy pierad festam u Narviliškach
Dadatkovyja miery pamiežnaj biaśpieki buduć pryniaty biełaruskimi i litoŭskimi pamiežnikami na sumiesnym učastku miažy na čas praviadzieńnia festyvalu Be2gether ("Budziem razam").
Jon adbudziecca 14—17 žniŭnia kala ścien Narvilišskaha zamku na litoŭskaj terytoryi ŭ niepasrednaj blizkaści ad miažy ź Biełaruśsiu.
Jak paviedamiŭ BiełaPAN časovy vykanaŭca abaviazkaŭ načalnika pres-centra Dziaržaŭnaha pamiežnaha kamiteta Biełarusi Ihar Ščacinin, zhodna z damoŭlenaściu ź litoŭskaj pamiežnaj administracyjaj budzie ŭzmocnieny kantrol u punktach propusku na miažy, uzmocnienyja režymnyja mierapryjemstvy ŭ pamiežnaj zonie i asabliva ŭ pamiežnaj pałasie. Hramadzianie, jakija niezakonna praniknuć na hetuju terytoryju, naprykład, kab panazirać za festyvalem ź biełaruskaha boku, buduć zatrymlivacca pamiežnikami Lidzkaha atrada i pryciahvacca da administracyjnaj adkaznaści.
Pradstaŭnik biełaruskaha pamiežnaha viedamstva patłumačyŭ, što dla znachodžańnia ŭ pamiežnaj zonie (terytoryja sielskaha savieta, sumiežnaha ź miažoj) nieabchodny dazvoł orhanaŭ unutranych spraŭ, a ŭ pamiežnaj pałasie — pamiežnych upaŭnavažanych.