Ekołahi: Žyvaja aharodža ačyščaje pavietra ŭ haradach lepš za drevy
Kusty i žyvaja aharožda zdolnyja ačyščać pavietra ŭ zabrudžanych haradach z vysokimi budynkami lepš, čym drevy, havorycca ŭ daśledavańni, apublikavanym u časopisie Atmospheric Environment, piša VVS.
Getty
U pracy adznačajecca, što vysokija drevy dobra čyściać ŭ pavietra na adkrytych prastorach, u toj čas jak u haradach sa ščylnaj zabudovaj hetuju zadaču lepš vykonvajuć zaraśniki nievysokaha ščylnaha kustoŭja.
Adzin z aŭtaraŭ daśledavańnia, prafiesar Prašant Kumar z Univiersiteta Sureja kaža, što haradskim uładam varta pasprabavać vysadžvać žyvyja aharodžy tam, dzie heta dazvalaje zrabić šyrynia tratuara.
Ciapier Kumar i inšyja daśledčyki sprabujuć vyśvietlić, jakija mienavita raśliny najlepš padychodziać dla ačystki pavietra ŭ haradach sa ščylnaj zabudovaj i jakoj pavinna być aptymalnaja vyšynia žyvoj aharoždy.
Aŭtary daśledavańnia nie vystupajuć suprać dreŭ: nasuprać, jany zaklikajuć sadžać bolš dreŭ, tamu što ŭsio bolš ludziej siońnia pierajazdžajuć žyć u harady.
U pracy adznačajecca tolki, što rola žyvoj aharodžy ŭ ačyščeńni pavietra niedaacenienaja, asabliva ŭ haradach. Pa słovach prafiesara Kumara, žyvyja aharodžy dobryja tym, što jany čyściać pavietra «na ŭzroŭni vychłapnoj truby».
Pavodle danych Suśvietnaj arhanizacyi achovy zdaroŭja, zabrudžvańnie pavietra ŭ bujnych haradach zastajecca adnoj z hałoŭnych pryčyn paharšeńnia zdaroŭja nasielnictva.
Kala 92% nasielnictva płaniety žyvuć u miescach z pavyšanym utrymańniem taksinaŭ ŭ pavietry, SAAZ paviedamlała ŭ kancy 2016 hoda.