Harełka, piva ci «čarniła»? Rejtynh papularnaści siarod pituščych biełarusaŭ
Pavodle dadzienych Suśvietnaj arhanizacyi zdaroŭja Biełaruś — na druhim mieście pa spažyvańni ałkaholu ŭ śviecie (na pieršym - Litva). U 2016 hodzie na kožnaha biełarusa pryjšłosia kala 15 litraŭ ałkaholu.
Ale ž što mienavita pjuć biełarusy?
Faktyčna idzie spabornictva pamiž harełkaj, pivam i «čarniłam» — tannym pładovym vinom. Hetaja trojka — najpapularniejšyja ałkaholnyja napoi ŭ našaj krainie.
Biełstat užo apublikavaŭ dadzienyja ab prodažach za pieršy kvartał 2017 hoda. Pavodle ich, absalutny lidar u biełaruskaha spažyŭca — piva. Za try miesiacy biełarusy paśpieli vypić 75 miljonaŭ litraŭ.
Druhoje miesca zaniała harełka. Biełarusy ŭžyli 20 miljonaŭ litraŭ mocnaha napoju.
I na trecim — pładovaje vino, toje samaje «čarniła». Spažyŭcami było vypita amal 12 miljonaŭ litraŭ pładovaha vina.
Inšy ałkahol nabyvajuć u razy radziej. Vinahradnaha vina vypili 7,4 miljona litraŭ. Šampanskaje i inšyja ihrystyja viny taksama nie nadta cikaviać ajčynnych spažyŭcoŭ (3,2 miljona litraŭ). Akramia taho, biełarusy vypili 2,3 miljony litraŭ likioraŭ i nastojek, 1,7 miljona litraŭ słabaałkaholnych napojaŭ i kala miljona litraŭ kańjakoŭ i brendzi.