Na Jeŭrabačańni pieramoh partuhalec, chvory na parok serca
Na Jeŭrabačańni pieramoh partuhalec Salvador Sabrał, chvory na parok serca. Heta stała jasna zadoŭha da skančeńnia padliku hałasoŭ, taki vialiki byŭ adryŭ.
Sabrał skaryŭ Jeŭropu mahičnaj i ščymlivaj baładaj. Jon śpiavaŭ pa-partuhalsku. Pieśniu napisała jahonaja rodnaja siastra. U joj jość i enierhietyka, i sardečnaść. «Muzyka — heta nie pra šou, nie pra fiejervierki, muzyka — heta pra pačućci, voś što ja chacieŭ skazać», — pramoviŭ pieramožca sa sceny, kali jamu ŭručyli pryz.
Na finalnaje vykanańnie pieśni Sabrał vyjšaŭ ź siastroj, i jany čaroŭna zaśpiavali pieśniu razam.
Za jaho prahałasavali i žury, i hledačy absalutnaj bolšaści krain.
Druhoje miesca zaniaŭ 17-hadovy śpiavak z Bałharyi. Na trecim — žartaŭlivy chit z Małdovy.
Što datyčyć Navi, to 12 bałaŭ našym pastavili žury Ukrainy i Azierbajdžana. Ahułam prafiesijnyja žury krain Jeŭropy dali našamu hurtu 50 bałaŭ, a voś hledačy — tolki 33 bały.
U cełym Navi zaniali 17-je miesca z 26 u finale Jeŭrabačańnia. Heta adzin z samych udałych vystupaŭ u historyi ŭdziełu Biełarusi ŭ konkursie.
Čytajcie taksama: Chto prahałasavaŭ za Navi — śpis siabroŭ Biełarusi
Z kurjozaŭ: padčas vystupu Džamały na scenu vyskačyŭ mužčyna i pakazaŭ hoły zad.
Ukrajinśkij prankier Vitalij Siediuk iz praporom Avstraliji oholiv sidnici pid čas vistupu Džamali na #Eurovisionpic.twitter.com/1yI2H56w5H
Ale heta nie sapsavała ahulnaj atmaśfiery śviata, jakaja panavała ŭ Kijevie. Ukraina chacieła pakazać siabie adkrytaj, jeŭrapiejskaj, talerantnaj krainaj, i joj heta ŭdałosia.
Partuhalija ŭdzielničaje ŭ Jeŭrabačańni 53 hady zapar biez adzinaha propusku. I za hety čas ni razu nie vyjhravała konkursu. Bolš za toje, nivodzin partuhalski artyst ni razu navat nie traplaŭ u piaciorku najlepšych! I voś — ščyry i naturalny śpiavak skaryŭ słuchačoŭ u samych roznych krainach.
Čytajcie taksama: Ksienija i Arciom niečakana pacałavalisia pry kancy svajoj pieśni FOTA
